Studietilbodet ved Det humanistiske fakultetet (HF) er ein viktig del av breiddeuniversitetet NTNU.

Fakultetet sine institutt gir utdanning i fagområde som språk og litteratur, musikk, kunst og kultur, historie, filosofi, religion og kommunikasjon på bachelor-, master- og doktorgradsnivå. I tillegg utdannar vi lærarar gjennom våre lektorprogram i språk og historie.

For å løyse utfordringane verda står overfor og skape eit berekraftig samfunn, krevst kunnskap om korleis kultur og historie formar vår forståing og våre val. Slik innsikt er avgjerande i eit samfunn prega av konstant forandring.

Eit godt læringsmiljø

Vi er overtydde om at eit godt læringsmiljø er av stor betydning for studentane si trivsel, deira engasjement i studia sine, og om dei fullfører studiet sitt.

Difor ansvarleggjer vi våre studentar gjennom studentaktive læringsformer som krev fagleg nysgjerrigheit, sjølvstendig tenking og refleksjon – sentrert om relevante/arbeidslivsrelevante oppgåver som blir løyste i fellesskap.

Undervisarane skal gi akademisk tyngde til studia, samtidig som studentane blir sett på som viktige faglege bidragsytarar. Sammen skaper vi eit godt psykososialt læringsmiljø.

Arbeidslivsrelevans

Vi er opptekne av å tilby utdanning som gjer våre kandidatar rusta for arbeidslivet, og tilby utdanning som er tett på arbeids- og kulturliv.

Internasjonalisering

Fakultetet jobbar for at alle våre bachelor- og masterprogram skal tilby relevante utvekslingsopphald i utlandet.

Samtidig har vi fokus på internasjonalisering heime med tilrettelegging av utdanningstilbod for internasjonale studentar og undervisarar, også som eit tilbod om internasjonalisering for studentar som ikkje reiser på utveksling.