×

Styring, leiing og medverknad ved KULT

Styring, leiing og medverknad ved KULT

Institutt for tverrfaglege kulturstudiar består av nærmare 60 tilsette, kor 16 er faste vitskaplege, 4 er administrativt tilsette og dei øvrige er forskarar, postdoktorar, ph.d.-stipendiatar og tilsette med mindre prosentdelar eller tilknytingar. Dette dokumentet inneheld ei skildring av leiing, organ og mandat ved instituttet.

Leiargruppe

Leiargruppa følgjer opp instituttet si utvikling og saker av strategisk og driftsmessig betydning for instituttet, og fungerer som rådgjevar for instituttleiar på desse områda.

Institutt for tverrfaglige kulturstudier består av nærmere 60 ansatte, hvorav 16 er fast vitenskapelige, 4 er administrativt ansatte og de øvrige er forskere, post docs, ph.d.-stipendiater og ansatte med mindre prosentandeler eller tilknytninger. Dette dokumentet inneholder en beskrivelse av ledelse, organer og mandater ved instituttet.

Instituttleiar ved KULT

Instituttleiar er eininga sin daglege leiar. Vedkommande skal sjå til at instituttet blir drive innanfor rammene gitt i regelverk og overordna nivå sine avgjerder. Instituttleiar har generell fullmakt til å avgjere løpande saker, med dei avgrensingane som følgjer av NTNUs delegasjonsreglement. Instituttleiar rapporterer til dekanen og inngår i dekanen si leiargruppe. Enkelte av oppgåvene i NTNUs styringsreglement er delegert til instituttet sin nestleiar, kontorsjef, undervisningsleiarar og forskingsleiarar.

Instituttleiar sine viktigaste oppgåver er å:

  • Leie og utvikle instituttet med fokus på kjerneoppgåvene undervisning og forsking
  • Delta i institusjonen sitt strategiske arbeid og sørgje for at instituttet har oppdaterte strategiar og at desse blir følgde opp
  • Skape ein positiv organisasjonskultur og stimulere til eit produktivt og godt arbeidsmiljø for studentar og tilsette
  • Sjå til at det blir utøvd god fagleg leiing med vekt på kvalitet i undervisning og forsking
  • Representere og posisjonere instituttet og fremje internt og eksternt samarbeid
  • Representere arbeidsgivar, sikre at tilsette blir høyrde og ivareta organisasjonen si medbestemming
  • Sjå til at eininga har effektive og føremålstenlege styrings- og kontrollsystem slik at fastsette mål og resultatkrav kan følgjast opp, ressursbruken er effektiv, rapporteringa er påliteleg og at institusjonen blir driven i samsvar med gjeldande lover og reglar (internkontroll)

I samsvar med NTNUs styringsreglement pkt. 4.1.8 kan instituttleiar opprette særskilde mellombelse utval for bestemte sakstypar. Instituttleiinga skal normalt vere med, og samansetjinga for øvrig skal vere i samsvar med uhl § 4-4 og likestillingslova. Instituttleiar kan delegere avgjerdsmynde til slike utval med mindre delegasjonsadgangen er avgrensa av lov eller overordna organ.

Nestleiar

Nestleiar er instituttleiar sin stadfortredar knytt til møteverksemd, representasjon og beredskap, og bistår instituttleiar i ulike saker ved behov. Nestleiar er instituttet sin representant i HFs Utdanningsutval.

Kontorsjef

  • Leier og følgjer opp administrasjonen sitt arbeid og tilsette, og har på delegasjon frå instituttleiar personalansvar for instituttet sine administrativt tilsette
  • Driver verksemdstyring og leiarstøtte. Følgjer opp budsjett og rekneskap, kvalitetssikrar grunnlags- og styringsdata og kontrollerer tildelingar og inntektsfordeling
  • Bidrar saman med leiinga til strategiutvikling og langsiktig planlegging
  • Behandlar ulike typar søknader om økonomisk støtte i samråd med øvrig instituttleiing
  • Behandlar ulike personalsaker (tilsetjingar, permisjonar etc.) saman med instituttleiar. Bistår instituttleiar med oppfølging av alle tilsette
  • Leier instituttet sitt HMS-arbeid på delegasjon frå instituttleiar
  • Førebur saker for utvida leiargruppe

Undervisningsleiarar/studieprogramleiarar

  • Koordinerer og følgjer opp instituttet si undervisningsportefølje, studieplanarbeid, kvalitetssikringssystem og utviklingsarbeid av utdanning
  • Utarbeider arbeidsplanar og ressursrekneskap for dei faste vitskaplege tilsette
  • Leier instituttet sitt studieprogramråd og lærarmøte
  • Representerer instituttet i HFs studieprogramleiarforum

Forskningsleiarar/senterleiarar

  • Bidrar saman med leiinga til strategiutvikling og langsiktig planlegging av forskingsaktivitet og forskingsprofil ved institutt/senter
  • Koordinerer instituttet si pågåande forskingsaktivitet, initierer og støttar utvikling av prosjektidear og søknadsarbeid, og bidrar til å kvalitetssikre søknader gjennom formaliserte rutinar
  • Etablerer og støttar faglege forum for instituttet sine tilsette
  • Organiserer gjesteforskarordningar og følgjer opp gjesteforskarar
  • Leiar av instituttet sitt Forskningsutval

Utvida leiargruppe (ULG)

Utvida leiargruppe er instituttet si viktigaste medverkningsarena. Utvida leiargruppe består av:

  • Instituttet si leiargruppe
  • Ph.d.-leiar
  • 2 representantar for fast tilsette i undervisnings- og forskarstilling
  • 1 representant for mellombels tilsette i undervisnings- og forskarstilling
  • 1 representant for teknisk-administrativt tilsette
  • 2 studentrepresentantar

Organet skal sikre medverknad og medbestemming og er rådgjevande for instituttleiar. Utvida leiargruppe skal behandle følgjande saker:

  • Strategi
  • Årsplanar og handlingsplanar
  • Forskningssatsingar og profil
  • Emneportefølje og studieprogram
  • Studiekvalitet
  • Intern organisering
  • Saker av prinsipiell betydning

ULG møtest om lag ein gong i månaden i semesteret. Møta skal leggjast til tidspunkt som sikrar medverknad frå tilsette og studentar. Det blir laga innkalling frå møta som blir gjort tilgjengeleg for tilsette og studentar.

Kontorsjef Åse Marit Skarholt er sekretær for utvida leiargruppe.

Valde representantar gjeldande periode:

Andre medverknadsorgan

Det blir arrangert jamlege instituttlunsjar med informasjon og moglegheit for innspel til leiinga. Forskargruppemøte er òg viktige arenaer for medverknad om forsking, og lærarmøte og studieprogramråda for medverknad om undervisningsarbeid. Dei tilsette kan òg melde inn behov for særskilde mellombelse arbeidsgrupper via ULG.

Undervisningsutval

Undervisningsutvalet består av undervisningsleiarar/studieprogramleiarar ved KULT, leiar for instituttet sitt ph.d.-program og studieadministrasjonen. Utvalet skal behandle aktuelle utdannings- og undervisningssaker. Dette inkluderer strategisk arbeid med utvikling av utdanningskvalitet. Utvalet blir leia av rådgjevar Jan Groven Grande. Referat blir lagt ut på instituttet sitt møteverktøy for undervisningsutvalet.

Forskningsutval

Forskningsutvalet består av forskingsleiarar ved KULT, leiar for instituttet sitt ph.d.-program og representantar for instituttet sine forskingsgrupper. Forskningsutvalet skal behandle forskingssaker som blir oversende frå instituttleiar, og saker utvalet sjølv tek initiativ til å behandle. Dette inkluderer forskingsstrategi, organisering av forskingsgrupper og søknadsarbeid. Eit mandat for forskingsutvalet er under utarbeiding.

Utvalet blir leia av instituttet sine to forskingsleiarar, og forskingsrådgjevar er sekretær for gruppa. Referat blir lagt ut på instituttet sitt møteverktøy for forskingsutvalet.

Mandatet til forskingsutvalet

Ph.d.-leiar

Hovudoppgåva til ph.d.-leiar er å ha ansvar for den faglege kvaliteten og heilskapen når det gjeld studieplan og -tilbod på ph.d.-programmet og oppfølging av handlingsplanar på dette området.

Ph.d.-leiar ved KULT:

  • Vurderer søknad om opptak til ph.d.-programmet før den blir oversend til fakultetet, deltek i oppstartssamtalar for nye ph.d.-kandidatar og på fakultetet si midtvegs-evaluering
  • Har ansvar for at ph.d.-kandidatane har eit tilfredsstillande fagleg tilbod på programmet, inkludert felles samlingar
  • Har overordna ansvar for skoleringsdelen for instituttet sine ph.d.-ar
  • Inngår i fakultetet sitt overordna programråd for ph.d.

Ph.d.-leiar ved KULT er Thomas Berker.

Verneombod

Hovudoppgåva til eit verneombod er å vere arbeidstakarane sin representant i saker som gjeld arbeidsmiljø (helse, miljø og sikkerheit, HMS) ved KULT, og ivareta deira interesser i slike saker. Verneombodet skal ha fokus på førebygging og helsefremjande arbeid.

Verneombod og tillitsvald er to forskjellige roller. Det blir tilrådd at verneombod og tillitsvald ikkje er same person. Dersom desse rollene likevel blir kombinert, må vedkommande vere svært nøye med å skilje på desse.

Verneombodet skal ikkje gå inn i oppseiingssaker, personalsaker og lønnskonfliktar. I dei tilfella der saker har sin bakgrunn i arbeidsmiljøet, eller medfører konsekvensar for arbeidsmiljøet, kan likevel verneombodet ha ei rolle i akkurat den delen av saka.

Verneombodet skal:

  • Sørgje for å rapportere tilbake til tilsette
  • Delta i planlegginga av samordningsarbeid (samordningsavtalar)
  • Delta på Arbeidstilsynet sine inspeksjonar i verksemda
  • Forhalde seg til linjeleiar på same nivå

Verneombodet skal ha ei aktiv rolle i HMS-arbeidet i sitt verneområde. Ombodet skal bli tatt med på råd i planlegging og gjennomføring av tiltak som har betydning for arbeidsmiljøet. Ombodet skal lytte til sine kollegaer og rådføre seg med dei og foreslå løysingar for leiinga.

Verneombodet skal også involverast i alle fasar i arbeidsmiljøarbeidet i samband med arbeidsmiljøundersøkinga. Eit minimum er følgjande møtepunkt med leiinga:

  • Førebuing av arbeidsmiljøundersøkinga
  • Planlegging av oppfølgingsmøte
  • Oppsummering av behov og tiltak
  • Evaluering av tiltak og prosess

Verneombod for KULT er Marius Korsnes. 
Vara: Thomas Berker