Forskingsgruppa i praktisk filosofi (FPF) forskar på praktisk filosofi i vid forstand, med særleg vekt på etikk og politisk filosofi.

FPF har ei samansett gruppe medlemmer med brei kompetanse i filosofi og tverrfagleg forsking. Forskingsinteresser i FPF spenner frå verditeori, normativ etikk, politisk filosofi og metaetikk, til forsking spissa mot mellom anna følgjande: Bedrifters samfunnsansvar, ansvarleg forsking og innovasjon, feministisk filosofi, bioetikk, teknologietikk, dyreetikk, miljøfilosofi, Kants etikk og politiske filosofi, tillit, behov, demokratiteori, republikanisme, pedagogisk filosofi og medisinsk etikk.

FPF møtest regelmessig for å diskutere forskinga til medlemmene. Vi arrangerer ein årleg workshop med presentasjonar og fagleg diskusjon.

For utfyllande informasjon om forskinga og forskingsinteressene til medlemmene, sjå medlemmenes tilsettsider (til høgre).