Leiarskap er eit aktuelt fokusområde å rette blikket mot, då leiarar kan spele ei stor rolle i mangfaldsarbeidet. Vi skil her mellom leiarar med og utan personalansvar.

Formelt leiaransvar med personalansvar

Leiarar med personalansvar har eit formelt ansvar for å følgje opp arbeidsmiljøet. Samtidig kan det være vanskeleg å vite korleis man skal arbeide med store tema som mangfald og inkludering. Det er viktig å understreke at det å sette fokus på desse tema, sette i gong samtalen, det å prøve, har ein verdi i seg sjølv (Risberg & Corvellec, 2022). 

Leiarar kan spele ei rolle i formell forankring av mangfaldsarbeidet. At leiar støtter, skriv om det og snakkar om det og er den som set det på agendaen gir legitimitet til dette arbeidet. Dette gjeld også fasilitering av samtalar og gruppediskusjonar med bruk av KARMA verktøya, eller øyremerking av ressursar for tiltak. 

Leiar kan:

• Bruke medarbeidarsamtale og sluttsamtale (Sluttsamtale - Kunnskapsbasen - NTNU) til å kartlegge erfaring, opplevingar av tilhøyrsel osv.
• Bruke KARMA verktøy til å fasilitere diskusjonar om mangfald, inkludering og tilhøyrsel i sitt arbeidsmiljø

Fagleiing

I akademiske arbeidsmiljø finnast det mange som ikkje har formelt personalansvar, men framleis spelar ei leiarrolle for andre forskarar.

Dette inkluderer seniorforskarar, forskingsgruppeleiarar og rettleiarar som har rollar knytt til leiarskap i arbeidsmiljøet. Dette kan skje gjennom korleis oppdrag og arbeidsoppgåver blir fordelte, kva type støtte og oppmuntring som blir gitt og til kven, måten man organiserer og leier møter og seminar på, og korleis man interagerer med folk i gruppa si.

I kartlegginga kan man rette blikket også til:

• Korleis er nettverkskulturen? Er det lett for nykommararar og folk med andre bakgrunnar å komme inn?
• Korleis er sjargongen/ stammespråket i ulike grupper?
• Kven blant leiarar er det som set tonen, og korleis forvaltar folk med uformell makt autoriteten sin?