Sentrale forskingsområde ved Institutt for elektroniske system (IES) ligg innan trådlaus kommunikasjon, marin akustikk/undervasskommunikasjon, multimedia- og talebehandling, mikro- og nanoteknologi, sensorteknologi samt medisinsk teknologi. Forskingsområda er både eksperimentelt og teoretisk retta.

Forskningssidene er berre å finna i engelsk utgåve.

Forskningsgrupper

Akustikk

Akustikk som vitskap er relatert til fleire profesjonar og kommersielle aktivitetar, og er ofte knytt til menneskeleg aktivitet. Dei viktigaste aktivitetane til gruppa for Akustikk er romakustikk, musikk- og elektroakustikk, instrumentering, numerisk akustikk, materialakustikk, marin akustikk og signalbehandling.

Nanoelektronikk og fotonikk

Fokus for gruppa er på utvikling av framtidige materiale og teknikkar med betre funksjonalitet og redusert energiforbruk.

Gruppa utviklar nanoskala material med styrte funksjonelle eigenskapar, fotoniske sensorar og karakteriseringsteknikkar for biomedisinske og informasjonsteknologiske applikasjonar. Gruppa forskar på oksidelektronikk, halvleiar-nanotrådar, periodiske strukturar, fotoniske (bio)sensorar, biomedisinsk optikk, og terahertz-spektroskopi.

Krets- og radiosystemer

Gruppe for krets- og radio-system forskar på design, modellering og testing av individuelle elektroniske kretsar og større system. Desse kan til dømes nyttast innan radiokommunikasjon, for innvevd styring av bilar og hushaldsapparat, innan helse og velferd, og for mikroprosessorar og generell databehandling.

Signalbehandling

Signalbehandling, statistisk signalteori og informasjons- og kommunikasjonsteori er dei viktigaste akademiske aktivitetane for gruppa.

Smart Wireless Systems

«Smart Wireless Systems» er eit etablert forskingsfelt for Faggruppe Elektro på Gjøvik. Dette er også eit felt som er relevant for meir effektiv organisering og styring av moderne industrielle prosessar.