Organisering NTNU Campussamling

Organisering NTNU Campussamling

Kunnskapsdepartementet er prosjekteigar for NTNU Campussamling, på vegner av regjeringa. Statsbygg er byggherre og har ansvaret for vidare prosjektutvikling og gjennomføring av byggeprosjektet etter oppdrag frå Kunnskapsdepartementet.

NTNUs arbeid med campussamling er organisert ved at NTNU leiar eit mottaksprosjekt. Arbeidet skjer tett opp mot Statsbyggs bygge- og brukarutstyrsprosjekt, i ein felles prosjektorganisasjon. NTNU er eigar, forvaltar og brukar av ein samla campus og skal sikre at universitetet sine behov blir ivareteke i prosjektet.

Mottaksprosjektet vert styrt av NTNUs leiing og prosjektdirektør ved Eining for campussamling, Harald Bjørlykke.

Organisering i gjennomføringsfasen

Ved NTNU er mottaksprosjektet organisert med eit overordna prosjektstyre og styringsgrupper for kvart delprosjekt. Denne organiseringa speglar Statsbyggs prosjektorganisering for gjennomføring av byggeprosjektet. Samstundes reflekterer prosjektorganiseringa nivåa i NTNUs organisasjon, med besluttande nivå både på nivå 1 og 2, slik det er vist i figuren under.

Monica Rolfsen, prorektor for samfunnsansvar og formidling, leiar prosjektstyret.

Illustrasjon

Figur: Organisering i NTNU Campussamling og styringslinjene for prosjektet. Prosjektstyret leier NTNU Campussamling, mottaksprosjektet, på vegner av NTNU. Den blå boksen representerer heile mottaksprosjektet for NTNU Campussamling. Klikk på biletet for å sjå det større. 

NTNUs prosjektstyre består av:

NTNUs prosjektstyre

NTNUs prosjektstyre

Leiar av prosjektstyret er Monica Rolfsen, Prorektor for samfunnsansvar og formidling.

Medlemmene i prosjektstyret:

  • Marielle Christensen – Dekan ved Fakultet for økonomi, NTNU
  • Terje Lohndal – Dekan ved Det humanistiske fakultetet, NTNU
  • Morten Ertzaas Sørlie – Vara for dekan ved Det humanistiske fakultetet, NTNU
  • Tine Arntzen Hestbek – Dekan ved Fakultet for samfunns- og utdanningsvitskap, NTNU
  • Liv Alfhild Unhjem – Administrerande leiar, Fakultet for samfunns- og utdanningsvitskap, NTNU
  • Jens Petter Andreassen – Dekan ved Fakultet for naturvitskap, NTNU
  • Ida Westermann – Vara for dekan ved Fakultet for naturvitskap, NTNU
  • Frank Arntsen – Eigedomsdirektør, NTNU
  • Irene Dragvik – Vara for eigedomsdirektør, NTNU
  • Harald Bjørlykke – Avdelingsdirektør, Eining for campussamling, NTNU
  • Ole Jonny Klakegg – Professor i prosjektleiing, NTNU
  • Heidi Camilla Egseth – Campusverneombod, NTNU
  • May Grete Sætran – Vara verneombod, NTNU
  • Patric Wallin – Tillitsvald og leiar for Forskerforbundet, NTNU
  • Morten Kvamme – Campustillitsvald, NTNU
  • Nora Wigen – Student oppnemnd av Studenttinget, NTNU
  • Olav Kvåle Gissinger – Vara for student oppnemnd av Studenttinget, NTNU
  • Joanna Landèn – Student oppnemnd av Studenttinget, NTNU
  • Malin Leirvåg – Vara for student oppnemnd av Studenttinget, NTNU

Styringsgrupper for delprosjekta

Styringsgrupper for delprosjekta

Delprosjekta sine styringsgrupper har som hovudoppgåve å sørgje for at NTNUs verksemdsutvikling legg premissar og rammer for delprosjektets utvikling, slik at utviklinga av delprosjektet går i takt med utviklinga av verksemda.

Styringsgrupper for delprosjekta P0 (Infrastruktur og landskap), P1 (Økonomi og innovasjon), P2 (Materialteknologi) og P4 (Musikk) er oppretta. Du kan lese meir om delprosjekta sine styringsgrupper og medlemmar ved å trykkje på lenka til det enkelte delprosjektet.