Forskinga og den kunstnariske verksemda ved Institutt for kunst- og medievitskap (IKM) går føre seg innanfor og på tvers av fagmiljøa der vi tilbyr undervisning; drama og teater, filmvitskap, film- og videoproduksjon, medievitskap og kunsthistorie. Vi har eit fokus på historiske studiar, tolking av estetiske uttrykk og opplevingar, teoriutvikling og studiar basert på eigen kunstproduksjon. 

Mange av IKM sine prosjekt går føre seg i samarbeid med andre fagmiljø lokalt, nasjonalt og internasjonalt. Forskarane våre jobbar både i interne forskingsgrupper knytt til spesifikke fagmiljø og interdisiplinære forskingsgrupper. 

Prosjekta våre blir finansierte av ulike aktørar, som mellom anna EU, Noregs forskingsråd, NOS-HS, Rådet for anvend medieforsking, Fritt ord og Kulturrådet.