Seminaret samla oss til tre presentasjonar: Heli Aaltonen med Applied theatre that celebrates: methodological steps of Sjøfuglsangen, Elena Pérez med Ripple Effects: Understanding the Link Between Biodiversity and Societal Safety, og Bente Fossvold Gjørum med Knowing otherwise: Methodological movements in a PhD. Etterpå drøfta vi korleis metoderefleksjonen kan førast vidare i forskingsgruppa, anten gjennom fleire seminar eller ved å samle noko av arbeidet i bokform eller liknande, før vi avslutta med ei praktisk planlegging av haustprogrammet.

Seminar #3 i KunstforskLab 2026 vart halde 22. april på Dragvoll. Samlinga bestod av to metodiske presentasjonar: først presenterte Polina Golovatina si metodiske tilnærming til prosjektet Rosemary way, artistic research with plants, etterfølgd av diskusjon og refleksjon i gruppa. Deretter presenterte Marie Suul Brobakke si metodologiske tilnærming i Ph.d.-prosjektet: Bereposeteorien om dokumentarserien - å samla fragment av samband mellom kvinne og landskap, også etterfølgd av felles samtalar. Seminaret starta med ein kort introduksjon og vart avslutta med ei oppsummering av metodiske innsikter og behov for vidare arbeid i forskingsgruppa.

Dette var eit ope offentleg seminar arrangert av forskargruppa i samarbeid med Fabula Rasa, 17. april 2026 på Kunsthall Trondheim. Seminaret handla om rolla til kunsten i arbeid med den psykiske helsa til unge. Deltakarane fekk innblikk i ein workshop der ungdom utforska kjensler, relasjonar og motstandskraft gjennom å jobba med papir som romleg materiale og lys som kunstnarisk uttrykk. Seminaret starta med ei opning av utstillinga, før prosjektleiar Lene Helland Rønningen presenterte det kunstnariske forskingsprosjektet.  Til slutt vart det gjennomført ein panelsamtale der ungdom, kunstnarar og fagpersonar frå kunst, forsking og helse deltok. Samtalen tok opp spørsmål om korleis unge opplever press i dag, og kva betydning kunstnariske prosessar kan ha når erfaringar og kjensler blir utforska i kreative fellesskapar.

Meir om prosjektet her: https://www.ntnu.no/ikm/forskning/et-svakt-hjerte

Seminaret var den første samlinga i år i KunstforskLab 2026 og fann stad tysdag 24. februar på Dragvoll. Programmet bestod av to metodepresentasjonar: Lisa Walling: Approaching Artistic Research from Critical Spatial Practice og Kathy Barolsky: Playback Theatre: Intra-acting with Stories in Post-Apartheid South Africa. Deltakarane fekk ein fagleg inspirerande formiddag med innblikk i ulike kunstnariske forskingsmetodar og praksisar.

KunstforskLab arrangerte seminar med filmfotograf Cecilie Semec, som presenterte doktorgradsarbeidet sitt ved Den norske filmskulen på Lillehammer. Ho drøfta den lange takinga (plan-séquence / long take) som filmatisk uttrykk, og korleis ny digital teknologi påverkar regi, arbeidet til fotografen og publikums oppleving av tid.

Programmet på Cinemateket bestod av visning av Lyset frå sjokoladefabrikken og eit seminar med fokus på metode.

Semec er den einaste norske filmfotografen som har vunne Gullbjørnen ved Berlinalen, for filmen Drømmer (Haugerud, 2025). Ho har markert seg som ein av Noregs viktigast filmfotografar , med eit kunstnarskap på høgt internasjonalt nivå.

Seminarrekkja i Kunstnerisk ForskningsLab om metode har som mål å samla forskarar frå ulike kunstfelt for å dela erfaringar og diskutera metodiske tilnærmingar i kunstnarisk utviklingsarbeid og forsking. Den 26. november vart det arrangert eit seminar der to korte metodepresentasjonar av Elly Stormer Vadseth og Anna Ulrikke Andersen viste korleis performative, praksisbasert og samskapande metodar kan bidra til ny innsikt i kunstnarisk forsking. Som i det tidlegare seminaret om metode dette året vart det lagt stor vekt på refleksjon og dialog, og samlinga vart avslutta med ei felles oppsummering og innspel til det vidare arbeidet i forskargruppa inn mot vårsemesteret 2026.

Seminaret i Kunstnerisk ForskningsLab 26. mai samla forskarar frå ulike kunstfelt ved IKM for å dela erfaringar med vekt på metodisk tilnærming i kunstnarisk utviklingsarbeid. Gjennom tre korte prosjektpresentasjonar med vekt på anvende metodar i prosjekta – av Leiv Igor Devold, Lene Helland Rønningen og Ingvild Rømo Grande – vart det belyst korleis performative, praksisbaserte og samskapande metodar kan generera ny innsikt i kunstnarisk forsking. Samlinga la vekt på refleksjon og dialog, og avslutta med ei felles oppsummering og innspel til vidare arbeid forskargruppa for haustsemesteret 2025.

«Frå Dostojeskij til dagens ungdom» - å skapa dramatikk om mental helse

I eit nyskapande kunstnarisk utviklingsarbeid utforskar førsteamanuensis Lene Helland Rønningen (NTNU, drama og teater) saman med eit team av kunstnarar korleis ungdoms stemmer kan spela ei aktiv rolle i utviklinga av ny dramatikk. På arrangementet vil det bli ein presentasjon av arbeidsmetodikken, og dessutan ei arbeidsvisning av rykande fersk scenetekst av Marte Huke. Det vil også bli ein panelsamtale der ulike ekspertar deltek, m.a professor i litteratur Lars Fodstad, draamturg ved Trøndelag Teater Kristoffer Spender og førsteamanuensis i klinisk samfunnspsykologi Charlotte Fiskum.

Tid: 19. mars kl. 15:00 - 17:00

Sted: Black Box

"Kva kan gjerast?": Performativ forsking og undervisning i ein ny æra av ’posts’.

Kva vil det seia å forska og undervisa i vår tid med ’posts’ (post-pandemi, post-kvantitativ, post-kvalitativ, post-sanning, post-kolonialitet)? Denne presentasjonen er ei forklaring for det konseptuelle arbeidet som byrja for tjue år sidan ved Queensland University of Technology (QUT) for å identifisera vilkåra og dynamikken i eit forskingsparadigme som ville vera gunstig for kunstnarar og kreative utøvarar generelt. Det byrja med å identifisera kva ’forskingsindustrien’ kravde for at ei undersøking skulle kallast ’forsking’ og vera kvalifisert til å få tilgang til forskingsinfrastrukturen i landet. Under denne reisa vart praksisleidd forsking identifisert som ein hovudmetodologi for kreative kunstnarar, og tilhøyrde sitt eige særeigne forskingsparadigme, kalla Performativ forsking. Presentasjonen vil avsluttast med ein diskusjon om autoriteten til ’forskingsfunn’ i vår post-sanningstid.

Tid: 10. mars kl. 10:15

Sted: Black Box

Følg denne lenkja for informasjon om prosjektet (på engelsk)

Følg denne lenkja for informasjon om forskingsprosjektet Eit svakt hjarte