Om oss

RKBU Midt-Noreg har sine lokale på Øya i Trondheim

om rkbu_txt

Regionalt kunnskapssenter for barn og unge - Psykisk helse og barnevern er eit forskings- og utviklingssenter med fokus på utfordringar knytt til den psykiske helsa til barn og unge. Gjennom tverrfagleg og praksisrelevant forsking og kunnskapsdeling bidreg RKBU MIdt-Noreg me til auka kvalitet i omsorg og tenester for barn og unge.

Me arbeider for å utvikla og formidla kunnskap i våre fagområde og styrkja berekraftig kompetanse og kvalitet i tenestene for barn, unge og deira omsorgspersonar. Kjerneoppgåvene ved senteret er tenestestøtte, formidling, undervisning og forsking.

Hovudmålgruppa vår er tenesteutøvarar, leiarar og avgjerdstakarar i kommunale og spesialiserte helse-, velferds- og omsorgstenester. I målgruppa er også aktørar i fritidsarenaer og frivillige organisasjonar. Me ønskjer å styrkja desse målgruppene gjennom formidling og tenestestøtte. Tilsette i tenestene er studentane våre og deltakarar i forskingsarbeid.

RKBU Midt-Noreg grunnfinansierast av Helsedirektoratet og Barne-, ungdoms- og familiedirektoratet (Bufdir). Rammer og retningslinjer for RKBUs oppgåver og virksomheit er gitt i årleg tilskotsbrev frå direktoratet.

Regionalt kunnskapssenter for barn og unge - psykisk helse og barnevern (RKBU) i Midt-Noreg er del av NTNU og Institutt for psykisk helse ved Fakultet for medisin og helsevitskap. Ved senteret er me omlag 65 tilsette.

Samarbeid

Regionale senter

Dei fire regionsentra i Noreg bidreg til kunnskap om barn og unges psykiske helse og omsorg gjennom forsking og utvikling.

Forskinga byggjer på eigen kompetanse, men større oppgåver blir gjennomførte i samarbeid mellom regionssentera. I forskingsverksemda inngår rekruttering og rettleiing av doktorgradsstipendiatar. Sentera rår over høg kompetanse i psykiatri, psykologi, sosialt arbeid, pedagogikk og andre helse- og samfunnsvitskaplege fag. Forskingsverksemda skjer i samarbeid med praksisfeltet, både ved at forskinga tilfører praksisfeltet oppdatert kunnskap, og ved at praksisfeltet klargjer kliniske, metodiske eller organisatoriske problemstillingar til forskinga.

Kompetansemiljø

Kompetansesentra i Midt-Noreg utvekslar kunnskap og erfaringar om psykisk helse, rus, vald, traumar, barnevern og utviklingshemming for å samordne kunnskapsformidling på ein god måte til våre felles målgrupper.