Kunst til NTNU Campussamling skaper rom for eksperiment og nye idéar midt i universitetets kvardag. Programmet representerer ei ny tenkjemåte, der kunsten skal bli noko meir enn berre dekorasjon.

KORO

I alle statlege byggeprosjekt blir ein del av budsjettet øyremerkt til kunst og styrt av KORO – Kunst i offentlege rom, statens fagorgan for kunst. Dei har ansvaret for kunstprogrammet på NTNU Campussamling. Programmet blir leia av tre uavhengige kuratorar. Kunstprogrammet går føre seg mellom 2024 og 2031, og rettar seg mot studentar og fagmiljøa på Dragvoll og Gløshaugen, samt kunstinteresserte trondheimsfolk.

Tre kunstrom som inkluderer

Saman utviklar dei eit prosessuelt og deltakarsbasert program som skal pågå fram til 2031. Kunstprogrammet er organisert rundt tre såkalla kunstrom: Skiboli, Oasen og Elgeseter. Kvar av desse kunstroma blir både ein fysisk stad og ein sosial arena der studentar og kunstinteresserte kan stille spørsmål og utvikle nye idéar i fellesskap. Dette gir unike moglegheiter for kunstnariske prosessar, i staden for bestilling av ferdige produkt og kunstverk.

Eksisterande kunst

NTNU har ei stor kunstsamling med over 1200 registrerte verk. Når campus blir samla, vil nokre verk bli flytta, mellom anna frå Dragvoll. Kuratorgruppa kan bidra i vurderinga av andre kunstverk og delta i samtalen om kva for verk frå NTNUs samling og dei eldre KORO-verka på NTNU som skal lyftast fram og kuraterast på nytt.

Forankring til NTNU

Kunstprogrammet er tett knytt til fagmiljøa ved NTNU. Kuratorane arrangerer tverrfaglege verkstader, samtalar og samarbeidsprosjekt. Her blir forskarar, studentar og kunstnarar inviterte inn. Gjennom dette blir dialogen mellom kunst, teknologi, samfunn og vitskap styrkt, i tråd med strategien til NTNU. Målet er å gjere kunsten til ein del av campuslivet og den faglege utviklinga.

Kunstprogrammet vert utforma i tett, praktisk samarbeid med produksjonsutvalet gjennom jamlege møte og oppdateringar. Her blir konkrete overordna planar forankra, og det blir delt gjensidig informasjon om det pågåande byggeprosjektet og kunstprosjektet.

Saman med kuratorane og prosjektleiaren består produksjonsutvalet av:

• Tor Einar Fagerland, Forsking- og utviklingsansvarleg, NTNU
• Kristin Aasbø, prosjektleiar Helhet, Statsbygg
• Preben Jensen, arkitekt prosjektgruppen, CF Møller