Gruppa består av medlemer frå ISL, ILU og UB som alle har forskingsinteresser knytte til interaksjonen mellom skrift og bilete i litterære verk.

Grafisk litteratur forstår vi her som ei samlenemning for tekstar med sterke visuelle element, som biletbøker og teikneserielitteratur. I dei nordiske landa er dette ein del av både vaksen-, barne- og allalderlitteratur som er i sterk vekst.

Eit viktig mål for gruppa er å utvikle eit teoretisk og metodisk apparat for å undersøkje grafisk litteratur i alle ulike former. Vi arbeider primært med nordisk litteratur, men i eit komparativt perspektiv. Forskingsinteressene våre inkluderer:

• Grafisk litteratur som kunstform og forteljeform.
• Verkelegheitsframstillingar, sjølvbiografi og autofiksjon.
• Adaptasjonsstudiar.
• Tverrfaglege tilnærmingar, til dømes til det medisinske feltet (Graphic Medicine er eit etablert tverrfagleg forskingsfelt internasjonalt).
• Didaktiske tilnærmingar.
• Formidling av grafisk litteratur, til dømes i museum, bibliotek og i undervisningssamanheng.