Kva vi gjer
Kva IT-avdelinga gjer
Kva IT-avdelinga gjer
IT-avdelinga leverer IT-tenestene som gjer at NTNU kan drive framifrå forsking, utdanning og administrasjon. I tett samspel med fagmiljøa utviklar og driftar vi moderne, sikre og brukarvennlege løysingar, slik at universitetet kan utnytte teknologi til å skape verdi og møte framtidas utfordringar.
Tenesteområda våre
Styring og utvikling
Vi styrer og utviklar IT-funksjonen ved NTNU i takt med strategien og behova til universitetet. Vi vurderer nye digitale løysingar og teknologiar, gir råd ved innkjøp og anskaffing av IT-system, og forvaltar tenestene heilskapleg frå utvikling til drift og eventuell avvikling.
IT-infrastruktur
Vi planlegg, driftar og forvaltar fundamentet som alle IT-tenestene byggjer på: Datasenter, serverar, lagringsløysingar og nettverk. Vi sørgjer for nettverkstilgang på og utanfor campus, og for sikker integrasjon og datadeling mellom system.
Informasjonssikkerheit
Vi har heilskapleg ansvar for informasjonssikkerheit ved NTNU. Vi førebyggjer, overvakar og handterer sikkerheitshendingar, forvaltar rammeverk og verktøy for sikkerheitsstyring, og byggjer god sikkerheitskultur gjennom opplæring og øvingar.
Digitale arbeidsverktøy
Vi driftar og forvaltar utstyret og programvara du bruker i arbeidet: Datamaskiner og periferiutstyr, programvare og lisensar, og samhandlingstenester som e-post, digitale møterom, lagring og fildeling. Vi tilbyr òg brukarstøtte for tenestene IT-avdelinga leverer.
Forskingsstøtte
Vi gjer forskingsaktivitetane ved NTNU mogleg gjennom forskingsinfrastruktur som tungrekning, forskingsdatatenester og spesialisert lagring. Vi forvaltar avtaler og retningslinjer for forskingsdata, og gir forskarar IT-fagleg rettleiing i prosjekta deira.
Utdanningsstøtte
Vi sørgjer for at studentar og undervisarar har tilgang til stabile og fleksible tenester for eit godt digitalt læringsmiljø. Det omfattar teknisk støtte i undervisningsrom, drift av audiovisuelt utstyr og IT-støtte til digital vurdering og eksamen.
Slik jobbar vi
Arbeidet vårt spenner breitt – frå strategisk rådgjeving og utvikling til sikkerheit, drift og brukarstøtte – og vi løyser det på tvers av tre campus.