Faglig innhold

Emnet gir ei kritisk innføring i estetiske og utforskande undervisnings- og læringspraksisar i litteraturundervisning og litteraturdidaktisk forsking. Undervisninga tematiserer eigenarten til skjønnlitteratur som studieobjekt og undervisningsgjenstand. Dette dannar bakgrunn for å diskutere m.a. faghistoriske perspektiv på utforskande og estetisk litteraturundervisning, og forskingsfronten på feltet.

Hermeneutiske og fenomenologiske perspektiv vil stå sterkt i emnet. Vi drøftar nyare tendensar i litteraturvitskap - så som postkritikk, posthumanisme og affektteori - i ljos av litteraturdidaktisk praksis- og teoriutvikling. Emnet tek dimed opp korleis litteraturdidaktikk kan forståast som anvendt litteraturvitskap. Eit mål med emnet er at ph.d.-kandidatar i litteratur og litteraturdidaktikk skal kunne posisjonere eigne prosjekt på ein kritisk reflektert måte, i samanheng med forskingsfronten.

Læringsutbytte

Kunnskapar

Kandidaten

• har avansert, kritisk reflektert kunnskap om estetiske og utforskande læringsformer i litteraturdidaktisk forsking
• har inngåande kunnskap om litteraturteoretiske grunnlagsproblem
• har omfattande kunnskap om forholdet mellom litteraturvitskap som disiplinfag og litteraturdidaktikk
• har kunnskap om korleis ein kan gjennomføre forsking på estetiske og utforskande undervisningsformer

Ferdigheiter

Kandidaten

• kan lese og kritisk vurdere komplekse litteraturvitskaplege og -didaktiske tekster
• kan ta i bruk, diskutere og vurdere litteraturvitskapleg og -didaktisk forsking i eige prosjekt
• kan gå i dialog med og formidle sentrale faglege problemstillingar på feltet utforskande og estetiske læringsformer i litteraturdidaktikk, både munnleg og skriftleg

Generell kompetanse

Kandidaten

• kan analysere og kritisk vurdere litteraturdidaktisk forsking i ljos av ulike fagtradisjonar
• kan opptre som kritisk samtalepartnar med fagfellar
• kan utarbeide sjølvstendige faglege resonnement, i dialog med tidlegare forsking

Læringsformer og aktiviteter

Emnet blir undervist i form av seminar, som også kan omfatte kreative og utforskande arbeidsmåtar. Undervisninga er samlingsbasert, med to campussamlingar over to-tre dagar. Mellom samlingane skal studentane levere arbeidskrav som får respons av ein faglærar (jf. punktet «Obligatoriske aktivitetar»).

Vi opererer med eit felles kjernepensum. I tillegg skal kandidaten leggje opp eit sjølvvalt pensum, delvis ut frå ei liste utarbeidd av faglærarane.

Undervisningsspråk i emnet er norsk og engelsk. Studentane på emnet må meistre norsk/skandinavisk. Eksamen og arbeidskrav kan leverast på norsk/skandinavisk eller engelsk.

Obligatoriske aktiviteter

• 80 % oppmøte
• Innlevering av selvstendig, annotert pensumliste
• Muntlig presentasjon av semesteroppgaveprosjekt
• Gi medstudentrespons

Forkunnskapskrav

• Mastergrad eller tilsvarande.
• Avgrensa opptak til undervisning.
• Ph.d.-kandidatar blir rangerte først ved opptak.

Opptaksavgrensing

• Emnet har ei opptaksavgrensing på 25 studentar. Ved færre enn 5 søkarar kan Institutt for lærarutdanning avlyse kurset.
• Rangeringsreglar og søknadsfrist finn du her: https://www.ntnu.no/ilu/phd-emner