I masterprogrammet i fransk har du høve til å studere eit semester i utlandet. Utanlandsstudiet gir deg høve til fagleg fordjuping og kulturelle opplevingar du ikkje har tilgang til ved NTNU og i Trondheim. Utanlandsstudiet blir vanlegvis lagt i 2. semester. Du bør starte planlegginga av utanlandsstudiet så snart du har fått opptak til mastergraden.

Informasjon om utveksling ved NTNU

Kva kan eg studere?

I utgangspunktet er dei fleste faglege fordjupingar ved vertsuniversitetet opne for deg når du reiser som utvekslingsstudent. Val av fordjuping må likevel sjåast i samanheng med tema for masteroppgåva, og veljast i samråd med faglærar ved Institutt for språk og litteratur. Du må også sørgje for å ha førehandsgodkjenning i orden.

Utanlandsstudiet på 30 sp erstattar emna som ligg i det 2. semesteret til studiet (sjå Studiets oppbygning). Utanlandsopphald som går over heile 2. semester gir fritak frå Ekspertar i team.

NTNU har utvekslingsavtalar med ei rekkje utdanningsinstitusjonar i Europa. Enkelte avtalar er spesielt eigna for språkstudentar, til dømes:

• Université Paris Sorbonne (Paris IV)
• Université de Toulouse Le Mirail (Toulouse II)
• Université de Strasbourg
• Université Nancy 2