Faglig innhold

Dette emnet er fylt av sjølve masteroppgåva og eit oppgåverelevant individuelt pensum. Under rettleiing utformar og gjennomfører studenten eit forskingsprosjekt som blir dokumentert gjennom ei skriftleg oppgåve, masteroppgåva. Temaet for oppgåva blir avgjort av studenten sjølv i samråd med rettleiar og vil derfor variere frå student til student.

Læringsutbytte

Kunnskap

Studenten

• har avansert, spesialisert kunnskap innanfor eit avgrensa område i norskdidaktikk
• har inngåande kunnskap om sentrale fagdidaktiske utfordringar med utgangspunkt i fagområdets forsking, historie, tradisjonar, eigenart og plass i samfunnet
• har inngåande kunnskap om utforming av eit relevant, norskdidaktisk forskingsprosjekt
• har inngåande kunnskap om kva som krevst av vitskaplege tekstar i norskdidaktikk
• har kunnskap om vitskaplege referansestandardar

Ferdigheiter

Studenten

• kan under rettleiing utforme og gjennomføre eit forskingsprosjekt i tråd med gjeldande forskingsetiske normer
• kan vurdere og diskutere relevant norskdidaktisk forsking på ein sjølvstendig måte
• kan sette seg inn i teori og forskingslitteratur som er relevant for å drive forsking innanfor eit avgrensa område i norskdidaktikk
• kan analysere og tolke empiri i lys av teori
• kan forhalde seg kritisk til ulike kunnskapskjelder
• kan referere til informasjonskjelder i samsvar med anerkjende standardar

Generell kompetanse

Studenten

• kan bruke fagkunnskapane sine til å designe forskingsprosjekt som svarar på relevante norskdidaktiske problemstillingar
• kan formidle sjølvstendig forskingsarbeid med bruk av norskdidaktikkens fagspråk
• kan kommunisere om problemstillingar, empiriske analysar og konklusjonar innanfor norskdidaktikkens fagområde til fagspesialistar og lærarar
• kan bruke erfaring frå eiga forsking til å innta ei leiande rolle i utviklinga av norsk som undervisingsfag i skulen

Læringsformer og aktiviteter

Eige arbeid med rettleiing individuelt og i gruppe.

Spesielle vilkår

Anbefalte forkunnskaper

Bestått 30 studiepoeng på masternivå i norskdidaktikk frå grunnskulelærarutdanninga sitt fjerde studieår eller tilsvarande.

Forkunnskapskrav

Bestått Norsk 1 og Norsk 2 (totalt 60 studiepoeng) eller tilsvarande.

Bestått FoU-oppgåve

Kursmateriell

Individuelt, sjølvvald pensum