Faglig innhold

Emnet handlar om sosiale, politiske, økonomiske og kulturelle fellesskap i nasjonal, regional og lokal kontekst i Noreg historisk og i notid. Emnet studerer samarbeid og konfliktar innanfor og i møtet mellom ulike fellesskap, og undersøker årsaker til og konsekvensar av utanforskap. Dette blir gjort gjennom to hovudtema:

(1) Den norske nasjonen og bakgrunnen for fellesskap, utanforskap og konfliktar. Hovudtemaet vil ta opp nasjonalisme, nasjonsbygging og ytre faktorar som påverkar nasjonal suverenitet. Påverknaden på det norske samfunnet frå økonomisk og politisk globalisering, transnasjonalitet og overnasjonalitet blir trekt inn. Hovudtemaet studerer også utfordringar som oppstår i nasjonen sitt forhold til indre mangfald. Her vil tema som urfolk, nasjonale minoritetar, migrasjon, integrering og utanforskap bli undersøkt.

(2) Bygd/by-dimensjonen. Dette hovudtemaet legg vekt på relasjonar, fellesskap, konflikter, kultur og identitet i møtet og skiljet mellom bygd og by i Noreg og i relasjonen mellom det lokale og det nasjonale. Det vil òg bli lagt vekt på byutvikling, korleis byutvikling skjer og har skjedd og kva aktørar som påverkar utviklinga.

Fagdidaktisk blir tema i emnet sett i samanheng med korleis vi handterer og bør handtere usemje og konflikt både i det offentlege rommet og i klasserommet. Ytringsfridom og kultur for meiningsbryting står sentralt. Emnet tematiserer også korleis stad, minne og framstillingar av fortida kan danne grunnlag for identitet og fellesskap. Emnet legg vekt på fagskriving, tekstanalyse, omgrepsdanning og omgrepslæring i samfunnsfag.

Læringsutbytte

Kunnskap

Studenten

• har inngåande kunnskap om korleis stad, region og nasjon kan danne utgangspunkt for fellesskap, identitetsbygging og konflikt.

• har avansert kunnskap om ulike fellesskap og prosessar som skapar identitet, integrasjon og tillit, og dessutan årsaker til og konsekvensar av segregering og utanforskap.

• har avansert kunnskap om forholdet mellom nasjon og nasjonalisme, overnasjonalitet og transnasjonalitet og folkestyre, og nokre utvalde konfliktar nasjonsbygging har skapt.

• har inngåande kunnskap om regional samanlikning, teoriar om regional utvikling og tydinga av skiljelinjer i den rurale/urbane dimensjonen.

• har avansert kunnskap om migrasjon og flytting, segregering og differensiering i eit stad- og byperspektiv.

• har inngåande kunnskap om korleis barn og unge møter usemje og konflikt om politikk og samfunn og kva dette tyder for medborgarskap, ytringsfridom og meiningsdanning.

Ferdigheiter

Studenten

• kan bruke fagskriving, omgrep, tekstanalyse, kart og statistikk både som inngang til forsking og som utgangspunkt for kritisk samfunnsfagundervisning.

• kan analysere og forholde seg kritisk til forsking på samspelet mellom lokale, regionale og nasjonale forhold og bruke denne innsikta i undervisning.

• kan bruke debatt, diskusjon og fagomgrep i læringskontekstar.

• kan analysere prosessar som formar identitet og tilhøyrsle og kva som skaper segregering og utanforskap kritisk.

Generell kompetanse

Studenten

• kan analysere offentleg meiningsdanning og meiningsbryting med utgangspunkt i samfunnsfagleg innsikt frå emnet.

• kan analysere og vurdere faglege og etiske problemstillingar knytt til politiske, sosiale, ressursmessige og økonomiske forhold i samspelet mellom det lokale, regionale og nasjonale.

Læringsformer og aktiviteter

Førelesingar, seminar, sjølvstendig arbeid og arbeid i grupper. Løysing av obligatoriske og andre oppgåver individuelt og i grupper.

Feltarbeid og utforskande undervisning der geografiske, historiske, politiske og sosiale forhold blir diskutert og undersøkt.

Obligatoriske aktiviteter

• Obligatorikk i henhold til emnebeskrivelsen

Spesielle vilkår

Forkunnskapskrav

Studenten må ha bestått Samfunnsfag 1 (30 studiepoeng) og gjennomført Samfunnsfag 2 (30 studiepoeg) for å kunne starte på emner i syklus 2. Bestått forstås som at studenten har fullført og bestått eksamen i emnet. Gjennomført forstås som at alle obligatoriske arbeidskrav i emnet er godkjent, med andre ord at studenten er eksamensklar.

Studiepoengreduksjon