Faglig innhold

Fagleg innhald

Emnet inneheld eit regionsstudium av to regionar (Midtausten og UK/Irland) og ein del som samanliknar samfunnsfaga som skulefag i Noreg og UK/Irland. Midtaustendelen av studiet handlar om utviklinga i nyare tid fram mot sjølvstendige statar, demokratitilhøve, sentrale konfliktar (irekna ressurskonfliktar), og om korleis aktørar utanfor regionen har påverka utviklinga i Midtausten. UK/Irlandsdelen er konsentrert om politiske system og strukturar, samanlikna med Noreg. Den fokuserer dessutan på regionale variasjonar, konfliktar i og mellom ulike delar av regionen og drøftar eit utval aktuelle politiske spørsmål i regionen. Ein samanliknande studie av samfunnsfaga som tilsvarer det norske samfunnsfaget 5-10 med det norske samfunnsfaget i eit område i regionen, er og ein del av emnet. Denne delen tematiserer ulikskap i læreplanar og andre styringsinstrument, i lærebøker og andre læringsressursar og dessutan utviklingsliner og pågåande utviklingsarbeid og samfunnsfagdidaktiske orienteringar og tenking. Emnet inneheld og eit feltkurs til UK og/eller Irland med friviljug deltaking, med program tilpassa emneinnhaldet.

Læringsutbytte

Læringsutbyte

KUNNSKAP

Studenten

• har inngåande kunnskap om statsutvikling, demokratiforhold, ytre stormaktsinnblanding og konfliktar i Midtausten i nyare tid.
• har avansert kunnskap om og kan samanlika politiske system, partisystem, valordningar og utvalde politiske konfliktliner i UK/Irland med tilsvarande i Noreg.
• har inngåande kunnskap om etnisk, sosio-demografisk og økonomisk ulikskap/variasjon i dei to regionane.
• har inngåande kunnskap om regional samanlikning og teoriar om regional utvikling og regionale skilnader.
• har inngåande empirisk kunnskap om etniske konfliktar og avansert kunnskap om teoriar om etnisk dominans og konflikt.
• har inngåande kunnskap nokon av dei skolefaga i UK/Irland som tilsvarer eller inngår i det norske samfunnsfaget 5-10, og om utviklingsliner og pågåande utviklingsarbeid i desse.

FERDIGHEITER

Studenten

• kan samanlikna sosio-demografiske, økonomiske og politiske tilhøve og utviklingsliner i regionane.
• kan finna, vurdera, velja ut og tilpassa relevante fagkjelder til bruk i skulen.
• kan planleggja, gjennomføra og vurdera samanliknande undervisning.
• kan gjennomføra samanliknande skulefaganalyser.
• kan vurdera kva omsyn samfunnsfagundervisning om konfliktområde eller i klassar med elevar frå område med akutt konflikt kan eller bør ta.
• kan vurdera skilnadene mellom objektivitet, nøytralitet, ballanse og kritisk openheit med tanke på undervisning om politiske tilhøve og konfliktar
• kan analysera og forhalda seg kritisk til ulike konfliktsyn og ulike oppfatningar av rettferd og likeverd.

GENERELL KOMPETANSE

Studenten

• kan planleggja ekskursjonar utanfor skulens nærområde
• kan bruka innsikter frå masterfaget i utviklingsarbeid saman med andre faglærarar.

Læringsformer og aktiviteter

Førelesingar, seminar med studentpresentasjonar, øvingar/studentoppgåver. Sjølvstendig arbeid og arbeid i grupper. Det kan organiserast feltkurs med frivillig studentdeltaking i United Kingdom og/eller Irland med programpostar som er relevante for emneinnhaldet.

Obligatoriske aktiviteter

• Obligatoriske arbeidskrav iht emnebeskrivelsen

Spesielle vilkår

Anbefalte forkunnskaper

Tilrådde førehandskunnskapar

Stått samfunnsfag 2 (30 studiepoeng) eller tilsvarande.

Forkunnskapskrav

Krav om førehandskunnskap

Studenten må ha stått samfunnsfag 1 (30 sp) og gjennomførd samfunnsfag 2 (30 sp) for å kunna starta på emne i syklus 2. Stått inneber at studenten har fullført og stått på eksamen i emnet. Gjennomførd tyder at alle obligatoriske arbeidskrav i emnet er godkjende, med andre ord at studenten er eksamensklar.

Kursmateriell

Endeleg pensumliste vert lagt ut på Blackboard føre studiestart.