Faglig innhold

Fagleg innhald: Emnet skal gje fordjuping i utvalde tema frå kultur- og sosialhistoria. Feltet er stort og mangfaldig. Det kan handle om mellom anna arbeid og daglegliv; tenke- og levemåtar; identitetar, fellesskap, makt og konfliktar; sosiale grupper og miljø; kjønn, klasse og etnisitet; og kultur i ulike former og sosiale samanhengar. Tema kan hentast frå ulike periodar (frå eldre til nyare tid), og frå ulike land. Kva for tema og periodar det vert fokusert på, vil variere frå år til år etter kva lærarressursar instituttet rår over. Dei aktuelle tema vil til vanleg vere utforma ut frå dei aktuelle faglærarane sine forskingsinteresser. Emnet skal også gje innføring i teoretiske og metodiske spørsmål knytt til dei tema som vert tekne opp. Informasjon om tema for studieåret finnast under studium på nettsida til ansvarleg institutt.

Læringsutbytte

Ein kandidat som har bestått emnet, vil forventast å ha følgjande læringsutbytte frå emnet:

Kunnskapar

• oversikt over viktige utviklingstrekk innanfor det/dei tema emnet handlar om
• kjennskap til ulike arbeidsmåtar og retningar i historieskrivinga på feltet

Ferdigheiter

• resonnere, argumentere og orientere omkring det/dei tema som emnet handlar om
• diskutere kva plass kultur- og sosialhistorie har hatt og bør ha som felt å forske på og undervise om
• reflektere skriftleg/munnleg over korleis ulike kjeldetypar, teoriar og metodar kan brukast til å opparbeide kunnskap på feltet

Læringsformer og aktiviteter

Læringsformer og aktivitetar: Førelesingar og/eller seminar. Øvingsoppgåve og/eller seminarinnlegg. Godkjent semesteroppgåve og seminarinnlegg (retningsliner om form, omfang, arbeidsmåtar og krav til deltaking vil bli spesifisert før kvart semester). Vurderingsmelding krev godkjent undervisningsmelding same semester. Obligatorisk aktivitet frå tidlegare semester kan godkjennast av instituttet.

Obligatoriske aktiviteter

• Øvingsoppgave

Anbefalte forkunnskaper

Tilrådde forkunnskapar: HIST1300/1350 eller HIST1500/1550 (avhengig av kva periode emnet handlar om til kvar tid).

Forkunnskapskrav

Ingen

Kursmateriell

Blir oppgitt seinast ved semesterstart, sjå pensumliste og anna materiale som da vil bli lagt ut på Blackboard.

Studiepoengreduksjon