Fredag 28. november 2025 disputerte Elise Barring Berggren med avhandlinga "In Search of Lost Homes: Post-Holocaust Restition in Norway".

Avhandlinga undersøker restitusjon av eigedom etter Holocaust i Noreg. Under folkemordet konfiskerte overgriparane all eigedom tilhøyrande personar definert som jødiske. Dei norske jødane som overlevde møtte på mange utfordringar etter Holocaust, og systemet for tilbakeføring og erstatning var ufordelaktig for dei som hadde mista alt dei eigde i Holocaust.

Studien kombinerer kvalitative og kvantitative metodar, og undersøker opplevingane til kvar einaste norske jøde. Slik bidreg avhandlinga særleg til å vise den større menneskelege betydninga av restitusjon.

Fredag 21. november 2025 disputerte Gwendolyn Claire Lin med avhandlinga "Fuelling the Global Trade Engine: Noble Group and the Rise of China, 1980-2015"

Med Kinas økonomiske transformasjon som bakteppe undersøker denne avhandlinga utviklinga av varehandel gjennom Noble Group, eit av Asias mest dynamiske handelsselskap. Analysen av Nobles strategiar viser korleis mellomledda formar og tilpassar seg globaliseringa, og gir innsikt i dei skjulte mekanismane som driv verdsøkonomien.

Professor Hans Otto Frøland vinner pris

Den vitskaplege antologien Forced Migrants in Nordic Histories, der historieprofessor Hans Otto Frøland er ein av redaktørane, er tildelt Nordic History Book Award 2025 under det årlege nordiske historikarmøtet i Reykjavik.

Boka er knytt til prosjektet Histories of Refugeedom in the Nordic Countries. Ho samlar bidrag frå forskarar frå heile Norden og lyfter fram forteljingar om flyktningar, deporterte og andre tvangsforflytta menneske – med mål om å utdjupe forståinga av migrasjonens rolle i samfunnsutviklinga.