Vitskapsteoretisk forum blei starta opp i 1982 og leia i mange år av Helge Høibraaten. Vitskapsteori omfattar både vitskapsfilosofi, vitskapshistorie, vitskapssosiologi og andre former for vitskapleg studium av vitskap, og blir forstått i vår samanheng svært vidt. Spesielt ønskjer forumet å huse relevante og samfunnsaktuelle diskusjonar rundt vitskapens og fagdisiplinanes filosofiske og normative grunnlag, forholdet mellom dei ulike vitskapstradisjonane, forholdet mellom vitskap og etikk/politikk, samt forholdet mellom vitskap og teknologi, vitskap og kunst, og vitskap og innovasjon.