Faglig innhold

Emnet dekker utvalde emne og metodar for innsamling og tolking av brønndata. Kunnskapane frå grunnkurset vil bli bygde ut, og nye metodar introduserte. Integrasjon av data frå kjerneanalyse, brønnloggar og overflatelogging (surface logging). Grunnleggande petrofysiske konsept og modellar. Eigenskapar hos leire og skifer. Vassmetningsmodellar i skifrige formasjonar. Avanserte brønnloggmålingar: radioaktiv spektroskopi, kjernemagnetisk resonans, retningsbestemde resistivitetsmålignar, dielektrisk dispersjon og boreholsavbildning. Væskeanalyse og prøvetaking. Introduksjon til målingar i fora borehol.

Læringsutbytte

Ingress: Emnet byggjer på TPG4175, og drøftar meir avanserte måleteknikkar i petrofysikk og tolking av data frå slike målingar. Fagpersonar frå industrien underviser deler av emnet.

Kunnskapar: Overflatelogging - også kalla mudlogging, måling bak fôringsrør, radioaktiv spektrometri, nøytron levetidsmåling for å finne vassmetning bak fôringsrør, skifereigenskapar, vassmetning i skifrige formasjonar, akustisk og elektrisk avbilding i borehol, magnetisk resonans, induksjonslogging, trykkmåling, logging under boring, kjernetaking, geomekanikk, finne fluidtype.

Ferdigheiter: Studentane skal kunne forstå dei underviste målemetodane og tolke dataene frå desse. Generell kompetanse: Gjennom gruppearbeid lærer studentane å samarbeide og å vise ansvar for sin del av øvingsarbeidet. Ved å arbeide med verkelege data frå felt i drift, lærer studentane å forstå at verkelege data kan vere usikre, og at ein må vise skjønn og forståing for å finne gode svar på tolkingsproblema.

Læringsformer og aktiviteter

Forelesningar og gruppearbeid. PBL kan bli brukt. Obligatoriske øvingar. Ei referansegruppe evaluerer emnet.

Obligatoriske aktiviteter

• Øvinger

Forkunnskapskrav

Kunnskapar tilsvarande TPG4175. Be faglærar om å vurdere bakgrunnen din om du ikkje tilfredsstiller kravet.

Kursmateriell

Artiklar, forelesningsnotat og anna relevant litteratur.

Studiepoengreduksjon