Faglig innhold

Emnet gjev studentane ei grunnleggjande opplæring i korleis eit geografisk informasjonssystem fungerer og korleis det kan brukast. I emnet vil òg studentane verte nærmare kjent med ulike typar geografiske data som finst i Noreg og korleis desse kan brukast innan eigne fagområde. Emnet er eigna for studentar frå ulike fagområde som har bruk for å kunne handtere geografiske data samstundes som det er eit grunnleggjande emne for studentar som ynskjer å spesialisere seg innan geomatikk.

Læringsutbytte

Kunnskap

Studenten skal ha kunnskap om:

• Dei mest aktuelle kartprojeksjonane og referansesystema for geografisk informasjon i Noreg
• Korleis stadfesta informasjon kan samlast inn
• "Norge Digitalt" og aktuelle geografiske data som finst der
• Korleis rasterbaserte og vektorbaserte metodar for handtering av geografisk informasjon fungerer
• Korleis ulike typar data kan nyttast til ulike typar analyse
• Metodar som kan brukast til å presentere geografisk informasjon på ein god måte

Ferdigheiter

Studenten skal kunne:

• Handtere data frå "Norge Digitalt"
• Utføre ulik analyse med bakgrunn i desse data
• Bruke rett referansesystem i samband med handtering av data
• Forstå og bruke både rasterbaserte og vektorbaserte geografiske informasjonssystem
• Lage gode kartografiske presentasjonar basert på geografisk informasjon

Generell kompetanse

Studenten skal kunne:

• Sjå nytten av ulik bruk av geografisk informasjon (og system) innan eige fagområde
• Handtere geografisk informasjon i samband med eige fagområde

Læringsformer og aktiviteter

Forelesingar og øvingar. Bruk av GIS-programpakker til analyse og presentasjon av geografisk informasjon.

Ein del øvingar må vere gjennomført og godkjent for å få gå opp til eksamen. Talet på kor mange øvingar som må vere godkjent vert oppgjeve ved semesterstart.

Obligatoriske aktiviteter

• Øvinger

Anbefalte forkunnskaper

Ingen.

Kursmateriell

Oppgis ved semesterstart.

Studiepoengreduksjon