Faglig innhold

Det faglege innhaldet i emnet skiftar mellom runologi og norrønt språk. Hausten 2025 blir det undervist i norrønt språk.

Runologi

I denne varianten blir studentane kjende med norske runeinnskrifter. Studentane får kunnskap om runene som eige skriftsystem, synkront og diakront, og om både den språklege og innhaldsmessige sida av innskriftene. Emnet gjev ei oversikt over heile tidsrommet runene var i bruk, med hovudvekt på vikingtids- og middelalderruner i det norrøne området i vid forstand.

Norrønt språk

I denne varianten får studentane større innsikt i norrøn språkstruktur og betre kjennskap til norrønt språk enn det basisnivået (NORD1102 og NORD1106) gjev. Studentane skal bli i stand til å arbeide sjølvstendig med norrøne tekstar og kunne analysere desse språkleg. Dei skal også få språkhistoriske og filologiske bakgrunnskunnskapar som set den norrøne grammatikken i ein samanheng, og studentane skal kjenne noko til variasjon innanfor norrønt.

Læringsutbytte

Runologi

Kunnskaper: Kandidaten har

• kunnskap om runene som eige skriftsystem, ulike variantar av runealfabetet (fuþarken) og korleis runeskrifta utvikla seg over tid
• kunnskap om både den språklege og den innhaldsmessige sida ved runeinnskrifter
• kunnskap om runenes historiske og kulturhistoriske kontekst

Ferdigheiter: Kandidaten kan

• translitterere, normalisere og plassere innskrifter typologisk og kronologisk
• forstå og omsetje enkle runeinnskrifter på norrønt
• setje innskrifter i historisk og kulturhistorisk samanheng

Norrønt språk

Kunnskaper: Kandidaten har

• kunnskap om norrøn språkstruktur (lydverk, formverk og setningsstruktur) ut over basisnivået
• kunnskap om den språkhistoriske samanhengen norrønt inngår i
• kjennskap til ulike norrøne teksttypar, normalisering og utgåver

Ferdigheiter: Kandidaten kan

• lese, forstå og omsetje tekstar i normalisert ortografi ved hjelp av grammatikk og ordbok
• analysere og forklare grammatiske trekk i norrøne tekstar
• setje norrøne tekstar i språk- og kulturhistorisk samanheng

Generell kompetanse (begge varianter):

Kandidaten kan bruke relevant fagterminologi til å presentere fagstoff munnleg og skriftleg med god språkføring

Læringsformer og aktiviteter

Undervisningsformer: Førelesingar/seminar og oppgåveskriving. I runologi er det normalt ein ekskursjon for å sjå på fysiske runeinnskrifter.

Obligatoriske aktivitetar: Inntil 4 skriftlege oppgåver, fastsett av emneansvarleg ved semesterstart. Deltaking på ekskursjon i runologi-varianten. Godkjend obligatorisk aktivitet er gyldig i to semester (semesteret godkjenninga blir gjeven og påfølgjande semester).

Obligatoriske aktiviteter

• Inntil 4 skriftlige oppgaver

Anbefalte forkunnskaper

Varianten i norrønt språk: Undervisninga føreset kunnskapar i grammatikk og norrønt på nivå med NORD1102 og NORD1106 eller tilsvarande. Studentar utan slike forkunnskapar vil måtte leggje inn ein monaleg ekstra innsats i starten av semesteret.

Varianten i runologi: I runologi er ikkje forkunnskapar i norrønt like kritisk, men likevel ein stor fordel.

Kursmateriell

Leseliste for emnet vil vere tilgjengeleg ved semesterstart

Studiepoengreduksjon