Faglig innhold

I NORD1106 tek vi for oss historisk endring og geografisk variasjon i norsk.

Studentane får innsikt i og forståing av hovudlinjene i norsk språkhistorie. Det gjeld både den strukturelle utviklinga av norsk språk frå urnordisk til i dag og den sosiale og politiske historia om norsk språk. Det siste er særleg viktig etter 1814, da statleg språkstyring førte til to skriftspråk og ei rekkje rettskrivingsreformer.

Hovudvekta vil liggje på norrønt og dei tradisjonelle norske dialektane, inndelinga av dei og hovudkjenneteikna på ulike dialektområde. Vi legg vekt på korleis ein treng norrønt for å forklare dialektvariasjonen, og korleis språket har utvikla seg mellom desse idealiserte tilstandane. Vi kjem også inn på sosial variasjon og nyare utviklingstendensar i talemålet.

Læringsutbytte

Kunnskap:

Kandidaten har kunnskap om:

• ulike periodar i norsk språkhistorie og grunnlaget for inndelinga
• sentrale trekk i norrøn språkstruktur
• språkplanlegging og normeringshistorie etter 1814
• tradisjonelle norske dialektar (inndeling og kjenneteikn)
• variasjon og endring i dialektane dei siste tiåra

Ferdigheiter:

Kandidaten kan:

• identifisere sentrale språktrekk i eit språkhistorisk tekstmateriale
• identifisere relevante dialekttrekk i talemålstekstar
• identifisere utviklingslinjer frå norrønt til nyare talemål
• greie ut om sentrale sider ved norsk språkpolitikk og språkplanlegging etter 1814
• skrive rett og godt på nynorsk med relevant fagterminologi

Læringsformer og aktiviteter

Undervisningsformer: førelesingar, gruppeundervisning med obligatoriske øvingar.

Obligatorisk aktivitet:

• Minimum 75 % deltaking i fellesundervisninga
• Inntil 8 godkjente kortfatta øvingsoppgåver (skriftlege og/eller munnlege) med tilknyting til gruppeundervisninga.

I emnet skal studenten oppfylle eit obligatorisk arbeidskrav som består av inntil 8 kortfatta øvingsoppgåver. Dette er skriftlege og/eller munnlege øvingar som er knytte til gruppeundervisninga, og som blir vurderte til godkjent / ikkje godkjent. Meir informasjon og retningslinjer blir gitt ved semesterstart.

Krav til målform: Eksamen og obligatoriske øvingar skal skrivast på nynorsk.

Obligatoriske aktiviteter

• Minimum 75 % deltaking i fellesundervisninga
• Inntil 8 godkjente kortfatta øvingsoppgåver (skriftlege og/eller munnlege) med tilknyting til gruppeundervisninga

Anbefalte forkunnskaper

NORD1001 og NORD1102 eller tilsvarande.

Kursmateriell

Pensumliste for emnet er klar til semesterstart. Studentar som har lagt opp pensumlitteratur til eksamen i andre emne, må gjere endringar i pensum, og desse endringane må godkjennast av instituttet.

Studiepoengreduksjon