Faglig innhold

Dette emnet skal gi studentane praktisk øving i å bruke det teoretisk-metodiske stoffet for å analysere enkelttekstar og greie ut om ulike teksttypar. Studentane skal også lære å reflektere over premissane for og formålet med det analytiske arbeidet, og dei skal få innsikt i korleis skiftande metodar og interesser kan prege litteraturforståinga.

Læringsutbytte

Etter emnet skal kandidatane:

Kunnskapar

• ha forståing for vitskapleg arbeid med litterære tekstar på norsk og svensk
• ha innsikt i korleis skiftande metodar og interesser kan prege litteraturforståinga

Ferdigheiter

• kunne anvende teoretisk-metodiske omgrep og tilnærmingar til ulike sjangrar og periodar
• kunne reflektere over litteraturens funksjon i samfunnet
• kunne analysere enkelttekstar og greie ut om ulike teksttypar og litterære verkemiddel
• kunne reflektere over premissane for og formålet med det analytiske arbeidet
• kunne presentere og drøfte ei litteraturvitskapleg problemstilling munnleg og skriftleg
• beherske korrekt språkføring og bibliografiske normer
• demonstrere god formuleringsevne

Læringsformer og aktiviteter

Undervisningsform: Forelesingar, analysekurs og gruppeundervisning.

Studentane kan ikkje rekne med å få heile pensum gjennomgått i undervisninga. Det er studentane sjølve som gjennom sitt eige individuelle arbeid gir studiet det viktigaste innhaldet. Studentaktivitet (gruppearbeid, munnlege framføringar og deltaking i diskusjon) står sentralt i undervisninga.

Undervisnings inkluderer gruppetimar. Her får studentar m.a. nødvendig skriveopplæring og -trening og ekstra hjelp med det teoretiske omgrepsapparatet. Studentane blir også oppfordra til å danne eigne studiegrupper.

Obligatoriske aktivitetar:

• Minimum 75 % deltaking i forelesingar.
• Minimum 75 % deltaking på analysekurs.
• Inntil 2 godkjende skriftlege oppgåver (blir fastsett av faglærar ved semesterstart).

Fråværsgrensa skal dekkje normalt sjukdomsfråvær og liknande. Du får derfor ikkje gyldig forfall til undervisning på grunnlag av legeattest, sjølv om fråværet skyldast hindringar som du ikkje kan lastast for. I særlege tilfelle kan det gjerast avtale med emneansvarleg om unntak frå fråværsgrensa, helst ved semesterstart.

Krav til målform: Eksamen og obligatoriske skriftlege oppgåver skal skrivast på nynorsk.

Godkjend obligatorisk aktivitet er gyldig i to semester (det semesteret godkjenninga blir gitt og påfølgjande semester).

Obligatoriske aktiviteter

• Minimum 75 % deltagelse i forelesninger
• Minimum 75 % deltagelse på analysekurs
• Inntil 2 godkjente skriftlige oppgaver

Anbefalte forkunnskaper

NORD1001 eller tilsvarande.

Kursmateriell

Pensumliste for emnet ligg føre ved semesterstart. Studentane skal lese eit utval tekstar om generell litteraturteori, og om kvar av dei tre skjønnlitterære hovudsjangrane. Eit utval sakprosa og essayistikk skal også vere med. Primærlitteraturen skal vere samansett slik at utvalet er representativt for dei ulike sjangrane, og slik at ulike periodar er representerte innanfor kvar sjanger. Studentar som har lagt opp pensumlitteratur i samband med eksamen i andre emne, må gjere endringar i pensum, og desse endringane må godkjennast av instituttet. Eit forslag til endra pensumliste skal i slike tilfelle leverast til instituttet innan gitte fristar. Studentar som ønskjer å leggje opp eit pensumforslag frå eit tidlegare semester, kan levere pensumlista på instituttkontoret innan dei same fristane. Pensumlistene skal godkjennast av instituttet.

Studiepoengreduksjon