Faglig innhold

Kunnskap om GIS-baserte metodeverktøy som kan brukast som støtte for samordna areal- og transportplanlegging, konsentrert om nettverksmodellar og annan metodikk for å arbeide med tilgjengelegheit for ulike transportformer. Det blir særleg lagt vekt på analyser og modellar som støttar planlegging for ikkje-motoriserte transportformer og kollektivtransport.

Læringsutbytte

Kunnskap: Funksjonaliteten til nettverksmodellar og nettverksgrafar i geografiske informasjonssystem (GIS). Nettverksmodellering brukt til å støtte samordna areal- og transportplanlegging. Nettverksdatakjelder og referansesystem, kartografi og kartografiske metodar relevante for analyser av tilgjengelegheit. Datastrukturar, datamodellar og analyseteknikkar. Også kunnskap om rastermodellar brukt til transportformål ("path distance"). Ferdigheiter: Tilrettelegging av nettverksdata for ulike transportformer i eit GIS, inkludert kollektivnettverk med rutedata. Gjennomføring av nettverksbygging og nettverksanalyser. Implementering av rasteranalyse. Generell kompetanse: bruke tileigna kunnskap og ferdigheiter for å løyse varierte oppgåver innan tilgjengelegheitsanalyse, samordna areal- og transportplanlegging.

Læringsformer og aktiviteter

Forelesingar. Øvingsarbeid i konsentrerte økter med instruksjon. Individuelt eigenarbeid med øvingar.

Anbefalte forkunnskaper

Emnet er utvikla i samanheng med "AAR4225 Integrated transport and land use planning" som blir undervist i same semester. Det er ikkje krav om å ta begge emna samtidig, men det blir likevel tilrådd.

Forkunnskapskrav

Krav til grunnleggande kunnskap om geografiske informasjonssystem, og ferdigheiter i bruk av slik programvare. Eksamen må vere avlagt i emne som AAR4841, TBA4240, GEOG1012 eller tilsvarande.

Kursmateriell

Kompendium og/eller lærebok vil bli kunngjort før kursstart.

Studentar blir tilrådd, men det er ikkje krav om, at privat PC blir brukt i øvingsarbeidet. Denne må vere i stand til å handtere relativt tunge oppgåver i GIS-programvare (ArcGIS, ArcGIS Pro, QGIS). Følgande kravspesifikasjon er tilrådd:

Prosessor: Intel minimum i5, helst i7 eller xeon. AMD Ryzen 5, 7 eller 9. 64 bit operativsystem (Windows 10 eller seinare) Minst 8 GB RAM, helst 16 GB Lagringskapasitet HD eller SSD min. 500 GB Dedikert skjermkort på min 4 GB, Nvidia eller AMD

Studentar som ikkje har PC som følgjer denne spesifikasjonen vil få høve til å bruke PC på lokale datasalar.

Studiepoengreduksjon