Fagleg fokus

Prosjektet Galskapens fengsel studerer utilreknelegheitens historie i Noreg i perioden 1800-2020. Fagleg fokus er på samanhengen mellom sinnssjukdom og kriminalitet. Institusjonelt er arkiva etter dei to norske sikkerheitspsykiatriske institusjonane i perioden 1895-1987, Kriminalasylet og Reitgjerdet sjukehus, det empiriske fundamentet i prosjektet. Denne forma for psykiatri blir i dag kalla sikkerheitspsykiatri.

Nokre av spørsmåla som har blitt studert er:

• Korleis har samfunnet dei siste to hundre åra forstått utilreknelegheit og farlegheit.
• Korleis og i kva omfang har tvang og tvangsmiddel blitt brukt i sikkerheitspsykiatrien.
• Korleis blei institusjonane drivne og forstått av samfunnet.
• Korleis har seksualforbrytarar forstått sin eigen mannlegheit.
• Kvifor var det ingen kvinner i dei sikkerheitspsykiatriske institusjonane, og kvar blei dei farlege kvinnene internerte?
• Kvinnebevegelsens syn på seksualforbrytarar.
• Legane og pleiarane sine forståingar av eige arbeid.
• Forholdet mellom ulike faggrupper i behandlinga av utilreknelege forbrytarar (legar, juristar, teologar m.fl.)
• Korleis har kriteriene for innleggelse i sikkerheitspsykiatrien endra seg dei siste 150 åra.

Samarbeid

Prosjektet har eit stort nasjonalt og internasjonalt nettverk. Vi deltek i internasjonale nettverk og konferansar om psykiatrihistorie, og tverrfaglege nettverk om bruk av tvang i psykiatrien.

Organisering

Prosjektet består av ei paraply av enkeltprosjekt med eigen finansiering. Det er uteksaminert fire Ph.d.-kandidatar frå prosjektet og ein disputas er venta i vårsemesteret 2025. Vidare har ein ny stipendiat nettopp byrja.

Det er også uteksaminert om lag førti masterstudentar frå prosjektet.

Justismuseet

I 2015 samarbeidde prosjektet med Justismuseet om produksjonen av museumsutstillinga Galskapens fengsel, som framleis er i drift delvis som stasjonær utstilling og delvis som vandreutstilling.

Publisering

Prosjektet har omfattande nasjonal og internasjonal publisering sidan 2010.