I tillegg til fleire senter kor KI har ein sentral rolle, har IE-fakultetet for tida to initiativ som har hovudfokus på KI: Norwegian Open AI Lab (NAIL) og Norwegian Research Center for AI Innovation (NorwAI). Desse to sentra samarbeider tett.

NAIL er eit permanent KI-initiativ ved NTNU. NAIL fremjar NTNU sitt arbeid med berekraftig og påliteleg KI og fungerer som eit nettverk for organisasjonar og bedrifter som arbeider med, nyttar og forskar på kunstig intelligens. NAIL har som mål å skape sterke partnerskap på tvers av akademia, privat næringsliv og offentleg sektor ved å tilby ein møteplass, eit rammeverk for samarbeid og koordinering av aktivitetar innan nettverket. Dei freistar å samle KI-miljøet på tvers av NTNU og stimulere til interaksjon med andre universitet og forskingssenter for å styrke norsk forsking på feltet.

NorwAI, finansiert av Forskningsrådet, fokuserer på anvendt KI og stordata. Frå 2020 til 2028 har senteret som mål å utforske og implementere nye industrielle produkt og tenester. NorwAI samarbeider tett med partnarar for å løyse industrielle problem, med fokus på språkmodellar, Natural Language Prosessing [språkbehandling], personalisering, pålitelegheit, forklarbarheit, storskala maskinlæring, hybrid KI og samfunnsmessige implikasjonar.

Dette er nokre av prosjekta og spinnoffane frå IE-fakultetet. Desse representerer berre ein liten handfull av arbeidet som har nære tilknytingar til eller til og med starta ut frå vårt fakultet.