Gemini-sentera er ein strategisk samhandling mellom faggrupper frå NTNU, SINTEF, Universitetet i Oslo, St. Olavs Hospital og NTNU Samfunnsforsking AS. SINTEF koordinerer Gemini-samarbeidet.

Vil du starte eit Gemini-senter? Fagmiljø i samarbeid kan søke om Gemini-status to gonger i året.

• 3. februar 2026: Utlysing for nye Gemini-senter (Innsida)
• 15. mars 2026: Frist for å søke

Interesserte søkarar blir bedne om å kontakte koordinatorane før søknaden blir send inn:

• Petter Støa, forskingsdirektør og koordinator i SINTEF
• Rune Aarlien, senior prosjektleiar og koordinator i SINTEF

Et Gemini-senter er ein arena for å bygge større og meir robuste fagmiljø med høgare kvalitet som vil vere betre i stand til å gripe og utvikle nye moglegheiter. Slik skal partnarane auke konkurransekrafta og verdiskapinga for fellesskapet.

Internasjonalt blir gode fagmiljø etterspurde, både frå oppdragsgivarar og studentar. Dei beste miljøa vinn fram i den stadig hardere internasjonale konkurransen.

Derfor arbeider Gemini-sentera etter visjonen Internasjonalt framifrå saman.

Gemini-senteret kan ha fleire formål:

• Partnarane går saman for å utvikle nye fagområde
• Partnarane ønsker å ta for seg store, tverrfaglege samfunnsutfordringar
• Partnarane bruker konseptet som ei plattform for å utvikle SFI/FME/EU-søknadar
• Partnarane bruker konseptet for å koordinere felles aktivitetar og laboratorium
• Felles samhandling mot næringsliv og offentleg sektor i form av nettverkspleie og utoverretta seminar kan være eit tilleggsmotiv for alle Gemini-sentera