Vurderingsordning

Faglig innhold

Emnet fokuserer på ulike typar musikalske produksjonar med relevans for arbeid i skulen. Ein produksjon blir i denne samanhengen forstått som ei planlagd hending med kunstnarisk intensjon, t.d. konsertar, teaterframføringar, innspelingar, danseframsyningar eller andre scenekunstnariske samarbeidsproduksjonar. I løpet av semesteret skal studenten få trening i å initiere, planlegge, gjennomføre og evaluere ulike typar produksjonar, både individuelt og som del av ei gruppe. Ein viktig del av emnet er å gjere seg kjend med eit variert utval skulerelevante produksjonar gjennom konsertbesøk og ekskursjonar. Gjennom heile emnet er studenten oppmoda til å utforske tema som samarbeid, inkludering, fleirfaglegheit, målgruppe, arena og kunstnariske prosessar.

Læringsutbytte

Kunnskap

Studenten

- har spesialisert kunnskap om eit utval musikalske produksjonar frå fleire ulike kontekstar

- har inngåande kunnskap om fleirfaglege og scenekunstnariske samarbeidsmåtar innanfor rammene for musikalske produksjonar

- har avansert kunnskap om korleis estetiske og kunstnariske læringsprosessar går føre seg i kunstnarisk musikalsk arbeid

- har inngåande kunnskap om korleis musikalsk innhald kan tilpassast særskilde produksjonsformer, målgrupper og arenaer

Ferdigheiter

Studenten

- kan initiere, planlegge, og gjennomføre ulike typar musikalske produksjonar

- kan opprette kontakt med og gjennomføre musikalske samarbeidsprosjekt med aktørar utanfor skulen

- kan leie ein musikalsk produksjon med elevar i skulen - kan kritisk reflektere over og evaluere musikalske produksjonsprosessar med omsyn til samarbeid, inkludering, fleirfaglegheit og målgruppetilpassing

- kan kommunisere tydeleg og reflektert med interne og eksterne samarbeidspartnarar i utforming og gjennomføring av musikalske produksjonar

Generell kompetanse

Studenten

- kan bidra til utviklingsarbeid som fremmar fagleg og pedagogisk nytenking i kunstfag i skulen

- kan bidra til tettare samarbeid mellom skule og nærmiljø gjennom inkluderande kunstnariske initiativ

Læringsformer og aktiviteter

Workshops, forelesingar, individuelt arbeid og gruppearbeid

Obligatoriske aktiviteter

• Arrangere ekskursjon
• Musikalsk produksjon 1
• Musikalsk produksjon 2
• Refleksjonstekster

Mer om vurdering

Obligatoriske arbeidskrav: 1. Initiere og arrangere ein ekskursjon for medstudentar til ein musikalsk produksjon 2. Initiere, planlegge og gjennomføre ein musikalsk produksjon i dialog med eksterne aktørar 3. Planlegge og gjennomføre ein eksternt retta musikalsk produksjon basert på mellom anna eigenprodusert innhald 4. Individuelle refleksjonstekstar knytt til arbeidskrav 1-3 i dialog med aktuell pensumlitteratur

Det er obligatorisk oppmøte på alle ekskursjonar og produksjonar. Obligatoriske arbeidskrav blir vurdert som godkjend/ikkje godkjend. Obligatoriske arbeidskrav må vere godkjende før ein kan ta eksamen.

Vurdering: Mappe med 2 tekstar basert på arbeidskrav. Individuell eksamen.

Spesielle vilkår

Studiepoengreduksjon