Faglig innhold

Studenten skal få røynsler med ulike sider av kunstnarlege prosessar med tradisjonsdansen som utgangspunkt. Sentrale moment i undervisninga vil vera formidling og skaping av danseuttrykk og kunstnarlege idèar. Det vil bli bli undervist i emne som koreografisk innstudering, scenisk nærvære, skapande arbeide, improvisasjon, dramateknikkar med kroppen som uttrykksmiddel. Noko elementær innføring i dramaturgi, regi, scenografi og stemmebruk vil også bli gitt. Studentane vil få arbeida med ulike koreografar. Studenten skal i tillegg til undervisinga vera med i utviklinga av presentasjonsprosjekt for definerte målgrupper. Temaet "Folkedans mellom dansegulv og scene, val og strategiar" vil vera gjennomgåande for dei ulike oppgåvene og prosjekta.

Obligatorisk kurs: Kurset Dans, samfunn og media gjev studenten innføring i tema knytt til konseptutvikling, førebuing, gjennomføring og evaluering av presentasjonar/framføringar. Kurset omfattar også refleksjon kring dansen sin funksjon i eit kulturelt og samfunnsmessig perspektiv. Vurdering: Fullført/Ikkje fullført på grunnlag av deltaking i obligatorisk undervisning/førelesningar og innlevering av skriftleg prosjektrapport (bestått/ikke bestått).

Læringsutbytte

Studiemålet er å utvikla seg i rolla som utøvande dansar, og kunna skapa presentasjonar og kunstnarlege uttrykk av dans med ulike ensemble og for ulike publikumsgrupper.

Læringsformer og aktiviteter

Samlingsbasert og obligatorisk fellesundervisning og workshops. Gruppeeksamen. Gruppa/gruppene vel ut eit av prosjekta dei har delteke i/utvikla i løpet av året og førebur dette til eksamen.

Obligatoriske aktiviteter

• Kurset Dans, samfunn og media
• Tilfredsstillande deltaking i undervising

Spesielle vilkår

Forkunnskapskrav

Fullført DANS 4110 eller tilsvarande.