Institutt for historiske fag har om lag 80 tilsette. Rundt halvparten er faste vitskaplege, 11 er administrativt tilsette, og om lag 20 har mellombelse stillingar.

Fagmiljøet vårt utviklar forsking, undervisning og utdanning innan historie – frå dei tidlegaste tider og fram til notida. I tillegg tilbyr vi undervisning og driv forsking innan arkeologi, europastudiar, klassiske fag og kulturminneforvaltning.

Instituttet har høg forskingsaktivitet, og dei tilsette utmerkjer seg internasjonalt på fleire område. For å fremje nye perspektiv søkjer vi aktivt ekstern finansiering til prosjekt innan forsking og undervisning. Vi formidlar òg kunnskap gjennom forskingsbasert undervisning til studentane våre. Allmenn formidling til samfunnet er ei annan viktig oppgåve.

Forskinga og undervisninga er styrt av samfunnet sitt behov for kunnskap, i tillegg til interessene til dei tilsette og studentane.

Vi arbeider kontinuerleg med ulike forskingsprosjekt i samarbeid med lokale, nasjonale og internasjonale partnarar.

Institutt for historiske fag er eitt av seks institutt ved Det humanistiske fakultetet.