Reis klimasmart med rabatterte togbillettar til Læringsfestivalen

Læringsfestivalen og NKUL, som blir arrangert same veke, har inngått ein avtale med SJ Nord om rabatt på utvalde togruter for konferansedeltakarar:

• Bruk rabattkode: nkul26 og få 20 % rabatt på togbillettar.
• Koden brukast hos Entur (i appen eller på nett) for reiser i perioden 3. til 10. mai 2026.
• Rabatten gjeld alle strekningar (unntatt Trønderbanen sone A), inkludert sovekupé.

Kjøp billett seinast 24. april 2026 for å få rabatt.

Registrering og praktiske spørsmål

Du finn innsjekkingskioskar i vrimleområdet utenfor R1 måndag morgon frå 08.30. Her skannar du QR-koden din og får skrive ut namneskilt. Hent namneskiltet i god tid før konferansen startar kl. 09.30.

Etter opninga, kan du registrere deg i sekretariatet i rom R4. Der kan du og sette igjen kofferten din og få svar på praktiske spørsmål.

Lurer du på noko, kan du og sjå etter folk med Læringsfestivalen-T-skjorte. Dei er der for å hjelpe deg.

Trådlaust nettverk

Nettverksnavn: NTNUkonferanser
Passord: konferanser

Hjelp oss å få ein miljøvennleg og triveleg konferanse!

Greier vi å bruke færre eingongskoppar i år? Dessverre kjem vi ikkje unna dei. I fjor gjekk det omtrent 2500 koppar på Læringsfestivalen. Viss du ønskjer, kan du

• prøve å bruke koppen fleire gonger
• ta med flaske til vatn
• ta med deg eigen kopp til kaffi eller te

Hjelp oss med å forhindre matsvinn, det er betre å forsyne seg fleire gonger enn å ta for mykje.

Viss du har lyst, kan du ta med nøkkelband heimefrå til namneskiltet. Vi samlar inn Læringsfestivalen-band etter konferansen.

Læringsfestivalen skal vere ein inkluderande og triveleg arena for alle. Vi ønskjer at folk skal få nye kjenningar og bygge nettverk. Ta gjerne kontakt med andre og inviter dei inn i det sosiale fellesskapet.

Vi forventar at alle som kjem på konferansen oppfører seg fint og respektfullt overfor andre, uavhengig av kjønn, etnisitet, religion, alder, funksjonsevne, seksuell legning eller utsjånad. Viss du ser eller opplever noko anna, sei ifrå til nokon i programrådet med ein gong. Sjølv om situasjonen er teke hand om, vil vi gjerne ha beskjed likevel. Viss nokon oppfører seg uakseptabelt på Læringsfestivalen, vil vi følgje det opp.

Kontakt gjerne ein av oss om det skulle vere noko:

Bruker du høyreapparat?

I romma R1, R2 og R3 kan du kople deg opp på høgttalaranlegget via Sennheiser Mobile Connect.

For å kople deg opp, må du laste ned appen Sennheiser Mobile Connect på mobilen og bruke hovudtelefon eller plugger i øyra. Ver merksam på at lyden kan verte forsinka viss du bruker Bluetooth.

Du må kople deg opp på eduroam-nettverket for å få tilgang til Sennheiser Mobile Connect.

I romma utan denne løysinga, er det IR-sendarar.

Transport

I Trondheim

Buss frå sentrum til Gløshaugen: Buss nummer 3 og 22 frå AtB går ofte. Bussturen tek sju minutt. Du kan også ta buss 25 og gå av på Høgskoleringen, som er 600 meter unna Realfagbygget. Du må kjøpe billett på førehand, og han kostar 45 kr ein veg. Du kan kjøpe billett via SMS, send «VOKSEN» til 2027, eller nytte appen til AtB. 

Vil du heller gå? Det er ein spasertur på ca. 20–25 minutt frå dei fleste hotella.

Det er fleire drosjeselskap i Trondheim. Trøndertaxi (telefon 07373) har ein eigen QR-kode for bestilling. Koden heng rett ved inngongen til R1 og ved sekretariatet.

Til og frå flyplassen

Værnesekspressen stoppar ved, eller veldig nære, hotella i Trondheim. Han stoppar også ved Studentersamfundet, som er sju minutt å gå frå Realfagbygget. Frå Studentersamfundet til flyplassen er det 51 minutter køyretid utan kø.

Vi sett også opp ein eigen flybuss frå Værnesekspressen (Unibuss) for Læringsfestivalen. Han vil stå rett utanfor hovudinngongen og køyre direkte til flyplassen. Avgong kl. 15.10 på tysdag. Det billegaste er å kjøpe billett på førehand på nettstaden deira, men du kan også betale ombord. 

Foto og opptak

Vi tek bilete i løpet av konferansen.

Dei munnlege sesjonane vert tatt opp og publiserte etter konferansen, men vi publiserer ikkje medverknad frå publikum. Vi tek ikkje opp rundeborddiskusjonar og verkstader då desse inneheld mykje medverknad.