Student views on active learning in the Geoscience curriculum

Sammendrag

Aktiv læring vert i aukande grad implementert i høgare utdanning, men studentane sine syn på denne pedagogiske tilnærminga varierer. Denne studien undersøker kva geofysikkstudentar synest om aktiv læring i eit kurs ved Universitetet i Bergen (UiB) som inngår i deira studieprogram. Gjennom longitudinelle kvalitative intervju med to studentkohortar identifiserte vi sju hovudkategoriar knytt til aktiv læring med fleire underkategoriar: studentane sine syn på spesifikke aktive læringsmetodar, på instruktøren si rolle og særpreg, på vurderingsformer og eksamen, på tilbakemelding for læring, på føresetnader for aktiv læring, samt ei samanlikning mellom aktiv læring og andre tilnærmingar. Vi kom fram til fire hovudkonklusjonar. For det første varierte studentane sine syn på aktiv læring svært mykje, frå særs positive til kritiske, der kritikken som oftast vart retta mot implementeringa snarare enn konseptet i seg sjølve. For det andre skilte studentane mellom synspunkt på aktiv læring i teorien og korleis den vart gjennomført i praksis. Mange uttrykte at dei verdsette fordelene med aktiv læring, trass i utfordringar knytt til å tilpassa seg nye læringsstrategiar. For det tredje opplevde studentane utfordringar med å balansera autonomi og strukturert rettleiing, då aktiv læring ofte kom i konflikt med deira etablerte studiemetodar. For det fjerde spelte tid ei avgjerande rolle for korleis studentane sine haldningar utvikla seg—frustrasjon tidleg i kurset vart ofte erstatta av ei langsiktig forståing av aktiv læring som eit effektivt verkty for djupare læring. Desse funna tyder på at ei vellukka implementering av aktiv læring krev at studentane sine forventingar vert adressert, at strukturert støtte bør verte tilbydt, og at undervisinga vert vurdert i ein breiare fagleg kontekst. Studien framhevar behovet for longitudinelle studie av studentperspektiv for å fanga opp dei dynamiske erfaringane med aktiv læring.