De bøkene jeg elsket høyest, fikk jeg fra skolebiblioteket. De ble utdelt i de lavere klassene. Læreren leste opp navnet mitt, og deretter begynte boken sin vei over benkene; den ene skjøv den videre til den andre, eller boken svevet over hodene til den kom frem til meg, som hadde rakt opp hånden. På arkene fantes spor av fingre som hadde bladd i boken.

Walter Benjamin: «Barndom i Berlin – rundt 1900»

Lesing handlar om langt meir enn at ei einsleg sjel avkodar bokstavar og tileignar seg kunnskap. Det er alle desse hendene – i bokstaveleg så vel som biletleg forstand – som transporterer tekstar – fysiske så vel som digitale - frå menneske til menneske. Å skape lesekulturar handlar om å dyrke lesing som ein aktivitet vi menneske deler og som bringar oss samen med kvarandre og verda rundt oss. Levende lesekulturar er kjenneteikna av individ som identifiserer seg sjølve som lesarar, der ein utvekslar leseopplevingar med kvarandre i eit mangfald av fora, og der bøker og lesing blir synleggjorde. Lesekultur handlar om at lesing er ein sjølvsagt, dagleg praksis hos barn, foreldre, besteforeldre, vennar, lærarar, rektorar, studentar og assistentar. Det handlar om å la bøkene, fortellingane, tekstane sveve over, inni og mellom hovuda til alle.

Merksemda om lesing har ikkje vore sterkare på fleire tiår, og over heile Norden blir det no danna miljø som arbeider for å styrke og forske på lesekulturar. Nettverk for lesekultur vil skape ein møteplass der forskarar kan formidle forskinga si og utveksle idear og erfaringar. Vi ønsker å stimulere til felles prosjekt og å initiere samarbeid med lærarar, bibliotekarar og andre litteraturformidlarar.

Nettverket spring ut av fagmiljøa for litteratur- og språkdidaktikk ved fagseksjon for norsk og har base ved Institutt for lærarutdanning ved NTNU. Vi vil utforske kva for lesarfellesskap born og unge tek del i, og korleis skular og universitet kan skape sterkare lesekulturar. Vi rettar særleg blikket mot skule- og folkebibliotek og ønsker å bidra til kunnskap om korleis lesing kan praktiserast i skulen, på tvers av kjønn, alder og kulturell bakgrunn.
 

Ledig stilling

Nettverket lyser ut ei stipendiatstilling i lesekultur. Søknadsfrist: 1. september 2025.

Jobbnorge

Arrangement

2025

• 2. september arrangerer nettverket frukostmøte på Litteraturhuset med tittelen "Lesekultur: Hvordan styrke lesing i skolen".
• 3. september held Tove Stjern Frønes ei ope gjesteførelesing med tittelen "Lesing — en nøkkel til samfunnet" (PDF).

• I perioden 2025—2027 har nettverket fått finansiering av Kulturrådet til prosjektet Ung lesekultur: Engasjement og identitet. Samandrag av prosjektet: "Ung lesekultur undersøker lesepraksisene til unge lesere, hvordan lesing er del av deres identitetsarbeid, og hvilke sosiale relasjoner de inngår i som lesere. Dette undersøkes gjennom lesedagbøker av, og dybdeintervjuer med, ungdommer i alderen 13–20 år. Vi retter oppmerksomheten især mot unge lesere med minoritetserfaringer. Prosjektet skal bidra til kunnskap om lesekultur og det som gjerne omtales som leselyst. Med en kvalitativ tilnærming komplementerer prosjektet kvantitative studier."
• Nettverket og Institutt for lærarutdanning lyser ut ei ph.d.-stipendiatstilling i lesekultur med søknadsfrist 1.9.2025 og oppstart våren 2026. Sjå stillingsannonse på Jobbnorge.
• DEKOM-prosjekt: Lesing og skolebibliotek. Oppstart hausten 2025. Finansiert av Trondheim kommune.