Eg jobbar med doktorgradsprosjektet "Musea i samfunnets teneste - ein museal spagat mellom lokal forankring, regional konsolidering og nasjonal nettverksbygging."

Prosjektet skal undersøke forholdet mellom museumspolitiske føringar og praksis. Målet er å få større forståing for korleis premissa for museumsreforma, særskilt premissen om lokal forankring, er forstått og praktisert ved norske museum. Musea utviklar seg i skjeringspunktet mellom kulturfag og politikk og prosjektet skal undersøke forholdet mellom normative føringar og praksis i museumssektoren. Prosjektet vil derfor bygge det teoretiske grunnlaget på både kulturfagleg (museologi) og statsvitskapeleg teori (organisasjonsteori). Dei mest sentrale kjeldene vil vere museumspolitiske dokument, museumsstatistikk, musea sine organisasjonsstrategiske dokument og anna praksis ved musea, samt erfaringar og refleksjonar frå aktørane i museumssektoren: tilsette, publikum, eigarar, drivarar, politikarar, administrasjon.

Sentrale metodar i projsektet er dokumentanalyse og kvalitative intervju. Prosjektet består av to deler kor del 1 handlar om å skape eit rammeverk av empiri og teori i ein nasjonal og internasjonal kontekst for belyse musea si rolle i samfunnet og prosessane kring utforming av museumspolitikk. Del 2 er eit case-studium kor ein går inn i materien knytt til tolking og praksis av omgrepet lokal forankring.

Det er etablert ei ressursgruppe i projsektet beståande av institusjonar og enkeltpersonar med kompetanse som har særleg relevans for både dei teoretiske og empiriske fokusområda i prosjektet. Formålet med gruppa er å sette eit konstruktivt-kritisk blikk på forskinga, å forankre prosjektet nasjonalt og å motverke negative konsekvensar av at forskaren sitt tett på eigne forskingsobjekt. Det er lagt opp til aktiv formidling i prosjektet, særskilt gjennom deltaking på konferansar og seminar.

Prosjektet er finansiert i samarbeid mellom Norges Forskningsråd, Møre og Romsdal fylkeskommune og NTNU. Eg jobbar 75% med forskning og 25% som rådgivar i fylkeskommunen i Møre og Romsdal. Prosjektet er planlagt avslutta i 2028. 

Eg er også med i forskargruppa for Museologi og museumsforskning ved institutt for historiske og klassiske studier. 

• Museologi og museumsforskning