Universitetsdirektøren i Bergen:
- Støtt opp om byråkratane
- Det er viktig at leiinga ved universitetet legitimerer det
arbeidet som forskingsadministratorane gjer, sa Kåre
Rommetveit, universitetesdirektør ved Universitetet i
Bergen (UiB), i innlegget sitt under seminaret for
forskingsadminstratorar og næringslivskontaktar ved dei
nordiske universiteta som 16. og 17. april vart arrangert i
Trondheim av NUAS (Det nordiske
universitetadministrators-samarbeidet).
Ved UiB har ein over tid prøvd å rekruttera
personar med forskarerfaring inn i forskingsadministrasjonen -
slik at administrasjonen i samarbeid med forskaren kan ta vare på
og gjev stimuli til gode forskingsidear og finansiera desse.
Rommetveit meinte det var viktig med eit godt forhold mellom
forskar og forskingsadministrator. Han viste til skepsisen som
mange forskarar har retta mot administrasjonen om at
adminstratorane overtek styringa over forskinga og at for mykje
pengar går vekk i administrasjon i staden for at desse
pengane kan koma forskaren til gode.
I tillegg til å rekrutera forskingsadministratorar med høg
forskingskompetanse, har den politiske leiinga ved UiB legitimert
det arbeidet som forskingsadministratorane har gjort.
Rommetveit avslutta innlegget sitt med å seia at
univesiteta ikkje har råd til primært å vurdera
administrasjonen som ein reserve for framtidige kutt og
innsparingar.
Les også: - NTNU treng
klarare forskingsstategi |