Manuskript

Med manuskript meiner ein handskrivne dokument. Gunnerusbiblioteket har originalmanuskript frå kjende personar som Henrik Wergeland og Bjørnstjerne Bjørnson, av medlemmar i Videnskabsselskabet, handskrivne brev og reiseskildringar. Dorabiblioteket har 97 manuskript (per 2015).

Ein del av manuskripta er digitaliserte, og dei digitale versjonane ligg opent tilgjengeleg med lenke frå Oria.

Søk digitaliserte manuskript i databasen gunnerus.no

Søk i Oria

Brevsamlinga

Brevsamlinga består av handskrivne brev som stammar frå to samlingar:

• Thorvald Boecks brev- og autografsamling er digitalisert og tilgjengeleg på nett. Thorvald Boecks bok- og manuskriptsamling (PDF)
• Det Kongelige Norske Videnskabers Selskab (DKNVS) Brevsamling. Breva frå dei første 100 åra (1760–1860) finst registrert i katalogen "DKNVS brevsamling", men er også tilgjengelege i Oria. Breva er digitaliserte og vil bli tilgjengelege i gunnerus.no.

Diplom og fragment

Diplom og fragment er dei eldste dokumenta vi har.

Diplom er som regel handskrivne avtalar mellom to eller fleire partar, skrivne på skinn eller papir. Det kan dreie seg om økonomiske eller rettslege saker som til dømes straffbare forhold, arv eller sal av eigedom.

Liste over diplom 1571-1668 (PDF)

Fragment er opphaveleg mellomalderbøker som blei destruerte (særleg i samband med reformasjonen) og brukt som fyllmasse i permar eller omslag på seinare bøker. Vi kan mellom anna finne neumer på slike fragment. Neumer var mellomalderens form for notar.

Database over fragmenter ved Universitetsbiblioteket i Bergen