Utøvarstudium i tradisjonsdans

Studiet skal gje deg evne til kritisk refleksjon og nyskapande tenking. Det blir også lagt vekt på å utvikle ei forståing for dans som eigen kunstart, og dansen sin funksjon i eit kulturelt og samfunnsmessig perspektiv.

Utøvarstudium i tradisjonsdans er eit samarbeid mellom Institutt for musikk ved NTNU, Norsk senter for folkemusikk og folkedans (Rff-sentret) og Ole Bull Akademiet.

Studiet vil dels vera studiesamlingsbasert, og dels ha undervisning kvar veke. Første til fjerde semester vil vera samlingsbasert med hovudbase i Trondheim. Femte til sjette semester vil vera basert på kontinuerlig undervisning med hovudbase på Voss. Undervisninga i Trondheim vil dels vera saman med studieretninga dansevitskap, og undervisinga på Voss vil dels vera saman med utøvarstudiet i tradisjonsmusikk. Sjå Oppbygning - utøvarstudium i tradisjonsdans for meir informasjon.