Tradisjonsdans

Dei er det første kullet nokon sinne som i løpet av våren vert uteksaminerte som utøvande dansarar i norsk tradisjonsdans. Studiet har som mål å utdanna tradisjonsdansarar på eit godt kunstnarleg og tradisjonsfagleg nivå til arbeid i skjæringspunktet mellom tradisjonskunst- og det frie dansefeltet.

Studentane Anna Liv Skjelten Gjendem, Inga Myhr, Torill Steinjord og Mathilde Øverland vil visa seg fram i ei nykoreografert eksamensforestilling med utgangspunkt i teknikkar og stiltrekk frå den norske tradisjonsdansen. Dansetradisjonsmaterialet vert sett inn i nye kontekstar for å skapa ein dansekomposisjon og eit danseunivers på både kunsten og tradisjonsdansen sine premiss:

"FØR ETTERPÅ"

- om å innta ein plass og forandre den gjennom sitt nærvær
- om skiftet mellom då og seinare.

TORSDAG 31. mai kl 19.00 i Verkstedhallen, Svartlamon, Trondheim

"för etterpå" kan ses som sammanlänkade fragment och minnen från studietiden som varit – eller som en fri tolkning av livets skiften. Anna Öberg; lærar og koreograf.

Eksamenskandidatar:
Anna Liv S Gjendem, Inga Myhr, Torill Steinjord og Mathilde Øverland
Spelkvinne: Torill Aasegg
Koreograf: Anna Öberg
Lysdesign: Nils Christian Hamsund Boberg
Lyd: Terje Hallan

Dette er den siste av 2 avsluttande eksamenar no i mai 2012.

Onsdag og torsdag 9. og 10. mai 2012 viste NTNU-studentane som er midt i 20-åra at tradisjonsdansen inspirerer til kreativitet og utforsking for nye generasjonar. I den første av to avsluttande eksamenar sette dei reine tradisjonsdansar inn i ei kunstnarisk ramme som overraska, utfordra og rørde publikum. Med seg hadde dei avgangsstudentane ved Tradisjonsmusikkstudiet ved Ole Bull Akademiet.