Forskning - musikkvitskap

Ved musikkvitskap blir det forska både på det musikkhistoriske og etnomusikologiske feltet, på populærmusikk, filmmusikk, opera, vokaltradisjonar og musikk i ulike tverrfaglege perspektiv. Dette betyr at så vel teoretiske som metodiske innfallsvinklar varierer, frå kjeldestudium og analysar til det multimediale og praksisnære.

Musikkvitskap har gjennom sine fagtilsette ei internasjonal kontaktflate som inkluderer medverknad i ulike fagnettverk, prosjekt og internasjonale publikasjonar. At dei tilsette har røter i fem ulike nasjonar er med på å styrkja dei internasjonale perspektiva også i forskingsverksemda.

Viss du er interessert i ein ph.d. innanfor musikkvitskap, ta kontakt med studieprogramleiar.