Forskinga ved IHG er organisert i eitt forskingssenter og fire forskingsgrupper. Fleire av forskingsprosjekta våre går på tvers av senteret og gruppene. Forskinga omfattar tenesteforsking, utdanningsforsking og helsefagleg forsking. 

Dei strategiske satsingsområda til instituttet ved tildeling av interne midlar har dei siste åra hatt fokus på pasienttryggleik og integrerte helsetenester. For den kommande treårsperioden vil satsingsområdet vere helsefagleg pedagogikk.

Visjonen vår er at forskinga skal bidra til utvikling av berekraftige helse- og omsorgstenester som i framtida gir tenester med høg kvalitet og likeverdige helse- og levekår for alle. 

Du finn meir informasjon om forskingsaktivitetane og forskarane ved IHG ved å gå til informasjonssidene for forskingsgruppene og Senter for omsorgsforsking.